ནང་ཆེན་རྒྱལ་པོ་དོན་གྲུབ་ཚེ་བརྟན་གྱིས་དགེ་རྒྱལ་བེར་བཟའ་མ་ཁབ་ཏུ་བཞེས་པའི་སྲས་བསོད་ནམས་ཆོས་འཕེལ་ནི སྤྱི་ལོ་༡༧༨༩ ལོར་སྐུ་འཁྲུངས། དགུང་ལོ་བཅུ་དྲུག་ཐོག་ནས་དབུས་ལྷ་ལྡན་དུ་ ༧ རྒྱལ་མཆོག་བརྒྱད་པ་ལུང་རྟོགས་འཇམ་དཔལ་རྒྱ་མཚོ་མཇལ་བར་ཕེབས་ཀྱང་ལོ་དེར་སྐུ་མྱ་ངན་ལས་འདས་པའི་དུས་ཐོག་ཏུ་ཁེལ་ནས་མ་མཇལ། སྲིད་ཚབ་ཀུན་བདེ་གླིང་གིས་སྣེ་ལེན་བཀུར་བཟོས་བཅས་རྒྱལ་བརྒྱུད་སྔར་ལྟར་འཛིན་དགོས་པའི་འཇའ་ས་ཤེ་བམ་སྔར་རྒྱུན་བཞིན་བསྩལ། མངའ་འབངས་དགེ་བཅུའི་ཁྲིམས་ལ་བཀོད། མན་ཆིང་གོང་མ་ཆིང་ལུང་གི་བཀའ་ཡི་ཕྱིང་སང་པ་ཇ་གོ་ཆེ་ཞེས་པ་ནང་ཆེན་སྒར་དུ་འབྱོར་ཏེ། ཏོག་ཁེར་གམ་སོགས་ཐོབ་གཟོས་ཕུལ་ཞིང་མདོ་ཁམས་ཆོས་བཞིན་སྐྱོང་བའི་རྒྱལ་པོ་ཞེས་པའི་ལུང་གིས་བསྔགས། རྒྱལ་སྲིད་ཆོས་བཞིན་སྐྱོང་བའི་མུར་དགུང་ལོ་སོ་བདུན་ལས་མ་འཚོ་བར་སྤྱི་ལོ་ ༡༨༢༦ ལོར་སྐུ་གཤེགས་པས།