ནང་ཆེན་ཏྲེ་བོ་ཆོས་ཀྱི་རྒྱལ་མཚན་སྐུ་དུས་སུ་མདོ་སྟོད་མིའི་ཆོལ་ཁ་ལ་དབང་བསྒྱུར་ཞིང་ཏྲེ་རབས་ཁ་སྟེ་སྟེ། དེང་དུས་དཀར་མཛེས་ཡན་ཆད་དང་། སོག་ལ་སྐྱ་བོ་མན་ཆད་ལ་དབང་བསྒྱུར། ནང་སོ་སངས་རྒྱས་གྲགས་པའི་སྐུ་དུས་སུ་སྒོམ་སྡེ་ཡག་གསུམ་སྟོད་མ་སྟེ་བྱང་གི་ནམ་མཚོ་ཕྱིན་ཆད་མངའ་རིས་བསྐྱངས་བ་དང་། རྒྱལ་པོ་རྡེ་རྗེ་ཚེ་དབང་སྐུ་དུས་སུ། རྒྱལ་དབང་ལྔ་པ་དང་རྡོ་རྒན་ཨམ་བན་སོགས་ཀྱི་ས་ཡིག་ལམ་ནས་གསལ་བ་ལྟར་ན། ཤར་ནས་འདན་ཁྲ་བོ་ལ། ལྷོ་ནས་ཇོ་ནག་པོ་རྡོ་འབུམ། ནུབ་ནས་སོག་ཕ་ཝང་གཡང་འཛོམ། བྱང་ནས་མཚོ་སྔོན་པོ་ཚུན་ཡིན་པར་གྲགས།