༣༠༽ ནང་ཆེན་གདུང་རབས་རེ་དགུ་པ་རྒྱལ་སྲས་ཨ་ཆེན་རིན་པོ་ཆེའི་སྐབས། ནང་ཆེན་རྒྱལ་པོ་བཀྲ་ཤིས་ཚེ་དབང་རྡོ་རྗེ་ནས། ཤར་ཕྱོགས་སྡེ་དགེ་རྒྱལ་པོའི་<<སྡེ་དགེ་རྒྱལ་པོའི་སྲིད་དོན་ལོས་རྒྱུས་ལས།>>རྒྱལ་རབས་ཉེར་གཅིག་པ་ཨ་ཇའམ་རྡོ་རྗེ་སེང་གེའི་སྲས་མོ་གཡུ་སྒྲོན་བཙུན་མོར་བཞེས་ལ། སྲས་ཨ་ཆེན་ནམ་རྒྱལ་སྲས་ཕྲིན་ལས་ཀུན་ཁྱབ། ཀུན་དགའ། ཨ་ཆུང། སྲས་མོ་མོ་དགའ། གཡུ་རྡིལ། གཡུ་ཆུང་། ཟུར་སྲས་ཕུན་ཚོགས་དགྲ་འདུལ་བཅས་ལྕམ་སྲིང་བདུན་བྱུང་བ་ལས། ༧ སྐྱབས་རྗེ་རྒྱལ་སྲས་ཕྲིན་ལས་ཀུན་ཁྱབ་བམ་ཨ་ཆེན་རིན་པོ་ཆེ་ནི། རབ་རྒྱལ་ས་སྟག་སྤྱི་ལོ་ ༡༩༣༨ ལོར་སྐུ་འཁྲུངས། ཡབ་རྒྱལ་པོ་དམ་པ་མཆོག་དང་། གནས་ལྔ་རིག་པའི་པཎྜི་ཏ་ནང་ཆེན་པོ་ནང་ཆེན་མཁན་པོ་རྣམ་རྒྱལ་བཟང་པོ་སོགས་ལས་མདོ་རྒྱུད་རིག་གནས་དང་བཅས་པ་སྦྱངས་པས་མཁྱེན་རྒྱ་ཡངས་ཤིང་། དགུང་གྲངས་བཅོ་བརྒྱད་སྤྱི་ལོ་ ༡༩༥༥ ལོར་ཡུམ་སྲས་ལྷན་རྒྱས་དབུས་ཕྱོགས་སུ་གནས་མཇལ་དང་ཞབས་སྐོར་ལ་ཕེབས། གོང་ས་ལྷ་མའི་རྣམ་འདྲེན་མཇལ་བཅར་ཞུས། ལྷ་སའི་སྨོན་ཆེན་མོར་འགྱེད་ཆེན་ཐེངས་གསུམ་ཕུལ་ཏེ་བསྟན་འགྲོར་སྨན་པའི་ཐུགས་སྨོན་གང་ཟབ་གནང་། སྤྱི་ལོ་ ༡༩༥༨ ལོ་དུས་ཟིང་སྐབས་བྲོས་བྱོལ་དུ་ཕེབས་པ་ལས་ལྷ་ས་ནས་བཟུང་ཏེ་ཟི་ལིང་དུ་དེད། དེ་ནས་རིམ་བཞིན་རིག་གསར་སྐབས་བསམ་ཡུལ་ལས་འདས་པའི་འོ་བརྒྱལ་མྱང་ཆེ་བས་སྐུ་ལུས་ཞ་གྲུམ་སྐྱོན་ཅན་དུ་གྱུར། རྗེ་ཁོང་ནི་བོད་ཀྱི་རིག་གཞུང་ལ་མཁས་པ་ཙམ་དུ་མ་ཟད་རྒྱ་ནག་གི་སྐད་ཡིག་ཀྱང་ཧ་ཅང་མཁྱེན་རྒྱ་ཆེ། སྤྱི་ལོ་ ༡༩༨༦ ལོར་ཀུན་གཟིགས་པཎ་ཆེན་རིན་པོ་ཆེའི་གདན་ཞུས་བཀའ་ཕེབས་ལྟར། པེ་ཅིན་དུ་ཕེབས་ནས་ལོ་ངོ་གསུམ་གྱི་རིང་ལ་བོད་རིག་པའི་ཞིབ་འཇུག་ཁང་དང་། པེ་ཅིང་ནང་བསྟན་མཐུན་ཚོགས་ལ་སློབ་ཁྲིད་གནང་ནས། པཎ་ཆེན་རིན་པོ་ཆེའི་དགོངས་བཞེས་རྫོགས་པར་མཛད་ཅིང་བོད་རིག་པའི་ཞིབ་འཇུག་ཁང་གི་བློ་འདྲི་མི་སྣར་བཀོད། ལྷ་ལྡན་གཙུག་ལག་ཁང་དུ་གུ་རུ་མཚན་བརྒྱད་ཀྱི་ལྷ་ཁང་རྟེན་དང་བརྟེན་པ་བཅས་བཞེངས་བསྐྲུན་མཛད། སྤྱི་ལོ་ ༡༩༨༧ ལོར་ཞང་ལྕགས་བཟའ་བསོད་ནམས་སྒྲོལ་མ་ཆུ་ཡུས་ལོ་པ་བགྲང་བྱ་ཉེར་ལྔར་སོན་པ་ཞིག་བཙུན་མོར་བཞེས། རིགས་ཀྱི་སྲས་མོ་བདེ་སྐྱིད་ཆོས་མཚོ་དང་། ཚེ་དབང་ལྷ་མོ་གཉིས་འཁྲུངས།…

༣༡༽ ནང་ཆེན་གདུང་རབས་རེ་དགུ་པ་རྒྱལ་སྲས་ཨ་ཆུང་རིན་པོ་ཆེའི་སྐབས། ཡབ་རྒྱལ་པོ་བཀྲ་ཤིས་ཚེ་དབང་རྡོ་རྗེ་དང་མ་ཡུམ་སྡེ་དགེ་བཟའ་ཚེ་རིང་གཡུ་སྒྲོན་གཉིས་ཀྱི་སྲས་སུ་རབ་བྱུང་བཅུ་དྲུག་པའི་མེ་ཕག་སྤྱི་ལོ་ ༡༩༤༧ ལོར་སྐུ་འཁྲུངས། ཆུ་འབྲུག་སྤྱི་ལོ་ ༡༩༥༢ ལོར་ས་སྐྱ་བདག་ཆེན་ཕུན་ཚོགས་ཕོ་བྲང་ངག་དབང་ཀུན་དགའ་བསོད་ནམས་ཀྱིས་རྒྱལ་རིགས་གདུང་འཛིན་གྱི་བཀའ་ལུང་གསེར་གྱི་ཅོད་པན་སྤྱི་བོར་བཅིངས་ཏེ་མི་འཇིགས་གདོང་ལྔས་བཏེགས་པའི་སྲིད་ཁྲིར་མངའ་གསོལ། འོན་ཀྱང་དུས་དབང་གིས་རྒྱལ་པོའི་སྲིད་སྐྱོང་བའི་གོ་སྐབས་མ་བྱུང་ངོ་། སྤྱི་ལོ་ ༡༩༥༥ ལོར་ཡུམ་སྲས་ལྷན་རྒྱས་དབུས་ཕྱོགས་གནས་མཇལ་ལ་ཕེབས་ཤིང་རྒྱལ་དབང་མཆོག་དང་ས་སྐྱའི་བདག་ཆེན་རྣམས་གཉིས་སོགས་མཇལ་བཅར་ཞུས། སྤྱི་ལོ་ ༡༩༥༨ ལོར་བྲོས་བྱོལ་ལ་བྱོན་ལྷ་ས་ནས་བཟུང་སྟེ་ཟི་ལིང་དུ་དེད། རིག་གནས་གསར་བརྗེ་སྐབས་རྒྱལ་པོ་མཆོག་དང་ཁ་བྲལ་ཏེ་ཡུམ་སྲས་མཉམ་དུ་མ་ཉེས་ཁ་ཡོག་འོག་ནས་རྡུང་རྡེག་དང་འོ་རྒྱལ་བསམ་ཡུལ་ལས་འདས་པ་མྱངས། དེ་སྐབས་སྐུ་ཟླ་ཞིག་ལ་གསང་ཐབས་ཀྱིས་སྲས་ལྕམ་དྲལ་གཉིས་ཡང་ཡོད་པར་བཤད། ཕྱིས་སུ་སྡེ་དགེ་ལུག་ར་ཚང་གི་ཚ་མོ་འདན་ཆུ་རྡོ་བཟའ་བཀྲ་ཤིས་སྒྲོལ་མ་བཙུན་མོར་བཞེས། དེ་ལ་སྲས་མོ་ལྔ་ལས་རིགས་སྲས་མེད། སྤྱི་ལོ་ ༡༩༩༠ ལོར་ཡུལ་ཤུལ་ཁུལ་སྲིད་གྲོས་ཀྱི་ཀྲུའུ་ཞི་གཞོན་པའི་ཐུགས་འགན་བཞེས་ཤིང་། ཞོར་ལ་ནང་ཆེན་སྒར་ཉམས་གསོའི་མཛད་པ་གང་ལྕོགས་མཛད། སྤྱི་ལོ་ ༢༠༠༣ ལོར་ནང་ཆེན་ཚོགས་གཉིས་སྐུ་ཕྲེང་གསུམ་པ་ཚོགས་གཉིས་སྙིང་པོས་ཁྱད་གདན་ཞུས་པ་བཞིན་རྒྱལ་བལ་ཕྱོགས་སུ་ཆིབས་བསྐྱོད་གནང་། ནང་ཆེན་ཉེར་ལྔ་ཚོགས་པས་ཕེབས་བསུ་གྲ་སྒྲིགས་ཀྱིས་སྣེ་ལེན་གྱ་ནོམ་པ་བྱས། གཏེར་ཆེན་མཆོག་གྱུར་གླིང་པ། སྤྲུལ་ཆོས་ཀྱི་ཉི་མ། བན་ཆེན་བསྟན་དགའ་སྤྲུལ་སྐུ། སྐྱོ་བྲག་བསྟན་སྙིང་། འབྲོང་པ་སྨད་མའི་དཔོན་གཡུ་རྒོད། སྡོམ་བཟའ་སྒྲོས་དགའ། དགེ་རྒྱལ་བར་མའི་དཔོན་འོད་གསལ། འབྲོང་སར་སྲས་མོ་མཚོ་སྡིས་སོགས་དེར་ཡོད་ཀྱི་ཉེར་ལྔའི་ལྷ་སྡེ་མི་སྡེ་ཡོངས་ནས་མཇལ་དར་དང་བཅས་སྔར་སྲོལ་ལྟར་ཉེར་ལྔའི་སྤྱི་རྗེ་རུ་མངའ་གསོལ་མཛད་དོ། །གོང་ས་མཆོག་གཙོས་པའི་རིས་མེད་ཀྱི་བླ་ཆེན་ཁག་མཇལ་བཅར་ཞུས་ཤིང་སྤྱི་ལོ་ ༢༠༠༤ ལོར་རང་ཡུལ་དུ་ཕྱག་ཕེབས། དགུང་གྲང་རེ་གསུམ་ས་གླང་ལོར་བོད་ཟླ་ ༥…

རྒྱལ་སྲས་ཆུང་བ་ཀུན་དགའ་ཉི་མ་ནི། གོང་གི་རྒྱལ་སྲས་ཨ་ཆེན་དང་ཨ་ཆུང་རྣམ་གཉིས་ཀྱི་སྐུ་མཆེ་ཆུང་བ་ཡིན་ལ། འཁྲུལ་ཞིག་སྐྱབས་གནས་སྐུ་ཕྲེང་བདུན་པའི་ཡང་སྲིད་དུ་ཁམས་སྤྲུལ་རིན་པོ་ཆེན་སྐལ་བཟང་དོན་བརྒྱུད་ཉི་མས་ངོས་འཛིན་གནང་། སྤྱི་ལོ་ ༡༩༥༥ ལོར་འཁྲུལ་ཞིག་དགོན་དུ་གསེར་ཁྲིར་མངའ་གསོལ་མཛད། ཁམས་སྤྲུལ་དོན་བརྒྱུད་ཉི་མ་དང་། ཨ་ལྡེའུ་གྲུབ་རིགས་ཁྱུ་མཆོག ཚོགས་གཉིས་པདྨ་དྲི་མེད་སོགས་ལས་དབང་ལུང་སོགས་གསན། སྤྱི་ལོ་ ༡༩༥༨ དམངས་གཙོ་བཅོས་བསྒྱུར་འོག་འོ་བརྒྱལ་ཆེན་པོ་མྱངས། ཁོངས་ལ་ཡང་བཀྲ་ཤིས་སྒྲོལ་མ་ཞེས་པའི་རིགས་བཟང་མ་ཞིག་ལ་སྲས་པོ་གཉིས་ཡོད་པར་འདུག དེ་བཞིན་དུ་གོང་ཞུས་བཞིན་རྒྱལ་སྲས་ཨ་ཆུང་ལ་ཡང་ཟུར་སྲས་ཡོད་པར་བཤད་པ་དང་། གཞན་ཡང་རྒྱལ་རྒན་བཀྲ་ཤིས་ཚེ་དབང་རྡོ་རྗེ་མཆོག་ལ་སྐྱེ་རྒུ་མདོར་བྱ་རྒོད་ཚང་གི་བུ་མོར་ཟུར་སྲས་ཕུན་ཚོགས་དགྲ་འདུལ་ཟེར་བ་ཞིག་ཡོད་ཅིང་དེ་ཡི་མི་རྒྱུད་ཀྱང་མ་ཆད་པར་ཡོད་པར་བཤད་པས་འབྲུ་རྗེ་ལྷ་ཡི་རྒྱུད་པ་ད་ལྟའི་བར་དུ་མ་ཆད་པར་བཞུགས་ཡོད་པར་མངོན་ནོ། །དེ་ལྟར་མི་དབང་རིན་ཆེན་རྣམ་རྒྱལ་གྱི་སྐུ་དུས་ནས་བརྩམས་གཞུང་ས་དགའ་ལྡན་ཕོ་བྲང་གི་ཆབ་སྲིད་འོག་ནས་ཆོས་སྲིད་བསྐྱངས་པ་དང་། དེ་རྗེས་ཆིང་ཧུ་རྡོ་རྗེ་ཚེ་དབང་གི་སྐུ་དུས་ནས་བཟུང་མན་ཆིང་དང་མི་ཐོག་གསུམ་བཞིའི་གོང་རོལ་ཟི་རྒྱ་མཱ་ཆི་ཚང་གི་ཁྲལ་སྡེའི་ཁོངས་སུ་སོང་ཞིང་རྒྱལ་པོ་བཀྲ་ཤིས་ཚེ་དབང་རྡོ་རྗེའི་ཡན་ཆད་ལ་ཕྱི་དར་གྱི་ཐ་སྙད་སྦྱར་བར་སྣང་ངོ་།། །།

  ༢༽ གཉིས་པ་ལ་མི་དབང་ནང་ཆེན་རྒྱལ་ རབས་ཀྱིས་གཞུང་བསྲངས་པ་ལ། ནང་ཆེན་ཞེས་པའི་མཚན་གྱི་ཅོད་པན་ དབུ་བརྙེས་ཚུལ་དང་། གདུང་རབས་ནོར་བུའི་བང་མཛོད་དངོ ས་བཤད་པ། ༡༽དང་པོ་ནི། འོག་ནས་གསལ་བ་བཞིན་དུ་འབྲུ་སྤྱི ་ཕུད་འཁོར་ལོ་བཟང་པོའི་དུས་ནས་ ནང་ཆེན་ཞེས་ཐོག་ཚུལ་དང་། གདན་ས་སྐུ་འབུམ་དགོན་དུ་ཕོ་བྲང་ ནང་སོ་ཆེན་པོ་བཞེངས་པ་ལ་བརྟེན་ ནས་ནང་ཆེན་ཞེས་ཐོག་ཚུལ་དང་། འགྲོ་མགོན་ཆོས་རྒྱལ་འཕགས་པས་ཏྲེ ་བོ་ཆོས་ཀྱི་རྒྱ་མཚན་ལ་ཆེན་པོའི ་གོ་འཐོབ་སྤྲད་པ་ལ་བརྟེན་ནས་ནང་ ཆེན་ཞེས་ཐོག་ཚུལ་གསུམ་ལས། འདིར་ནི་ནང་ཆེན་གསེར་ཕྲེང་ལས། <<ཨ་སྟག སེང་འཕེན། འབྲུག་སྲས། རྒོད་པོ་འབར་བཅས་ཡིན།>>ཞེས་གསུ ང་པའི་བུ་བཞི་ལ་ནང་ཆེན་གཉའ་བོ་ ཁག་བཞི་ཟེར་སྲོལ་ཡོད་པ་ལ་དཔག་ན་ བྱུང་ཚུལ་ཕྱི་མ་གཉིས་ཀྱི་སྔོན་ ནས་ནང་ཆེན་ཞེས་ཐོག་ཡོད་པར་མངོན་ འདུག རྒྱུ་མཚན་དེས་ན་འདིར་དང་པོའི་ དབང་དུ་བྱས་ན། ཏྲེ་རབས་ལས། སྤྱི་ཕུད་འཁོར་ལོ་བཟང་པོ་དེ། །གནམ་བསྐོས་ཆེན་པོའི་ནང་བློན་ མཛད། །ཅེས་སོགས་གསུངས་པ་བཞིན། གོང་དུ་གསལ་བའི་འབྲུ་སྤྱི་ཕུད་ འཁོར་ལོ་བཟང་པོ་དེ་ཉིད་གནམ་ལྷ་ བབ་ཀྱི་རྒྱལ་པོ། ས་ལྷུན་འགྲུབ་ཀྱི་མངའ་བདག…

  ༈ ཐུགས་གསོའི་འཚམས་ཞུ། ཁམས་སྟོད་སྒོམ་སྡེ་ནང་ཆེན་ཆོས་རྒྱལ་ཆེན་པོའི་བློན་ཆེན་འབྲོང་པ་སྨད་མའི་སྲས་འབྲི་གུང་ལམ་མཁྱེན་རྒྱལ་པོ་རིན་པོ་ཆེ་མཆོག་སྤྱི་ལོ་ 2017 ལོའི་ཟླ་བ་ 10 ཚེས་ 16 ཉིན་དགོངས་པ་གཞན་དོན་དུ་གཤེགས་པ་ཡིད་སྐྱོ་གནས་ཚུལ་ཐོས་པ་ལ་ངེད་ནང་ཆེན་ཉེར་ལྔའི་དབུས་བདེ་དོན་ལྷན་ཚོགས་ཀྱི་ངོས་ནས་བློ་ཕམ་ཚད་མེད་བྱུང་། ཡིན་ན་ཡང་སྐྱེ་བའི་མཐའ་མ་ནི་འཆི། འདུས་པའི་མཐའ་མ་ནི་བྲལ་ཞེས་གསུངས་པ་བཞིན་མཐོ་དམན་སུ་དང་སུ་ཡིན་ཡང་མཐའ་མ་འཆི་བ་ཆོས་ཉིད་ཡིན་པས། རང་རེ་སྒོམ་སྡེ་ནང་ཆེན་བ་ཡོངས་ནས་བླ་མའི་དགོངས་རྫོགས་ཡག་ཤོས་ནི། ལས་རྒྱུ་འབྲས་དང་། སྐྱེ་བ་སྔ་ཕྱི། མཐུན་ལམ་རྡོག་རྩ་གཅིག་དྲིལ་སོགས་དགེ་སྡིག་བླང་དོར་ལ་ཚུལ་བཞིན་གཙི་སྲུང་གནང་རྒྱུ་དེ་གལ་ཆེན་ཡིན་སྟབས་དེ་ལུགས་མི་དམངས་ཡོངས་ནས་ཐུགས་ལ་འཛིན་རོགས་ཞུ་རྒྱུ་ཡིན། སླད་དུ་དགོངས་པ་གཞན་དོན་ལ་ཞི་བར་གཤེགས་པའི་བླ་མ་རིན་པོ་ཆེ་ཁོང་གི་སྐུ་མཆེད་འབྲོང་སྨད་དཔོན་གཡུ་རྒོད་མཆོག་དབུས་པའི་ནང་མི་ཡོངས་དང་། ཁོང་གི་སློབ་བུ་རྗེས་འཛིན་རྣམས་ལ་རང་རེ་ནང་ཆེན་ཉེར་ལྔའི་ལྷ་སྡེ་མི་སྡེ་ཡོངས་ཀྱི་ཚབ་བྱེད་ནས་གདུང་སེམས་མཉམ་བསྐྱེད་ཞུ་རྒྱུ་བཅས། ནང་ཆེན་ཉེར་ལྔའི་དབུས་བདེ་དོན་ལྷན་ཚོགས་རྒྱུན་ལས་ཁང་ནས་སྤྱི་ལོ་ ༢༠༡༧ ལོའི་ཟླ་ ༡༠ ཚེས་ ༡6 ཉིན་ཕུལ

སྒ་ཇོ་བོ་འདི་ནི་(ནང་ཆེན་ཉེར་ལྔའི་ཁྱབ་ཁོངས་)ཁྲི་འདུ་དང་ཆུ་དམར་ལེབ་ཙམ་དུ་མ་ཟད་བོད་གངས་ཅན་གྱི་ལྗོངས་ཀྱི་ཡུལ་ལྷ་རྣམས་ལས་ཆེ་ཤོས་སམ་གཙོ་བོའི་གྲས་སུ་བཞུགས་པ་ཡིན་ཏེ།  དེའང་ཚུལ་ཇི་ལྟ་བུ་ཡིན་ཞེ་ན། རྗེའི་མགུར་ལྷ་བཅུ་གསུམ་གྱི་ནང་ཚན་དང་། སྲིད་པ་ཆགས་པའི་ལྷ་དགུའི་ཡ་གྱལ་དུ་གྲགས་ལ། མགུར་ལྷ་ཞེས་པའི་དོན་ནི། བོད་ཆེན་པོའི་ལྗོངས་འདིར་གནམ་ལྷ་བབས་ཀྱི་བཙན་པོ། ས་ལྷུན་གྲུབ་ཀྱི་མངའ་བདག ཆོས་རྒྱལ་སྐུ་བསོད་ཅན་རྣམས་ཀྱིས་ཁྲོམ་སྡེ་ཟིལ་གྱིས་གནོན་པ་དང་དམ་པའི་མཆོད་གནས་རྣམས་དགྱེས་པ་བསྐྱེད་པར་བྱ་བའི་ཕྱིར་དུ་མགུར་གླུ་བཞེས་པའི་སྐབས་སུ། ཡུལ་ལྷ་བྱང་ཆུབ་སེམས་དཔའ་བཅུ་གསུམ་པོ་འདི་རྣམས་ཀྱི་མཚན་རེ་རེ་བཞིན་དུ་སྨོས་ནས། མཆོད་པ་དང་བསྟོད་པ་དང་བསྔགས་པ་གསུམ་མཛད་པ་དང་། ཁོང་རྣམ་པའི་ཐུགས་རྗེ་དང་ཕྲིན་ལས་ལ་བརྟེན་ནས་བོད་དང་བོད་ཆེན་པོའི་ཡུལ་གྱི་གཙོ་བོ་དབུས་དང་གཞན་མཐའ་འཁོར་ཐམས་ཅད་ལ། ཆར་ཆུ་དུས་སུ་འབབ་པ་དང་། ལོ་ཕྱུག་རྟག་ཏུ་ལེགས་པ། ནད་དང་འཁྲུག་པ་མུ་གེ་ཞི་བ་སོགས་དགེ་ལེགས་ཀྱི་མཚན་མས་ཀུན་ནས་རྒྱན་པ་ཞིག་ད་ལྟའི་བར་དུ་བྱུང་ལ། དེའི་མཐུས་འཛམ་གླིང་ཐ་གྲུ་ཡོངས་ལ། བོད་དང་བོད་ཆེན་པོ་ཞེས་དཔའ་སྲིད་དཔུང་གི་སྙན་པས་ཡངས་པའི་ཁོར་ཡུག་མ་ལུས་པར་འགེངས་པ་དེ་བྱུང་འདུག་ལགས། ཡུལ་ལྷ་ཆེན་པོ་སྒ་སྟོད་ཇོ་བོ་སྲེད་སྤོང་རྡོ་རྗེར་གྲགས་པ་འདི་ནི། མདོ་བོད་སྐྱོང་བའི་གཉེན་ཆེན་སྡེ་བཞིར་གྲགས་པའི་ནང་ཚན་ཡང་ཡིན་ཏེ། དེ་བཞི་ནི་སྒ་ཇོ་བོ་སྒྱོགས་ཆེན་གདོང་ར་དང་། ཤར་གྱི་རྨ་རྒྱལ་སྤོམ་ར། བྱང་གི་གཉན་ཆེན་ཐང་ལྷ། སྟོད་ཀྱི་ཡར་ལྷ་ཤམ་པོ་བཞི་ཡིན། དེ་བཞི་ལས་ཡུལ་ལྷ་ཆེན་པོ་སྒ་སྟོད་ཇོ་བོ་ཞེས་པའི་གནས་རི་གཡེར་གྲགས་ཅན་འདི་ཉིད་ནི། བླ་མ་ཕལ་གྱིས་ས་བརྒྱད་པ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་གསུངས་ལ། དམིགས་བསལ་དུ་དཔལ་ལྡན་བི་ཝ་པ་ཆེན་པོའི་རྣམ་འཕྲུལ། རྒྱལ་བའི་ལུང་གིས་ཟིན་པའི་ངོར་ཆེན་རྡོ་རྗེ་འཆང་ཆེན་པོ་ནས་བརྒྱུད་པའི་ཁྲི་རབས་སོ་གསུམ་པ་མཁན་ཆེན་ཐམས་ཅད་མཁྱེན་ཅིང་གཟིགས་པ་ཆེན་པོ་དཔལ་ལྡན་ཆོས་སྐྱོང་རིན་པོ་ཆེས་ནི། ས་བཅུ་པ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་གསུངས་པས་འདི་ཉིད་ཤིན་ཏུ་ཁུངས་བཙུན་པར་སེམས་ཏེ། དམ་པ་འདི་ཉིད་ཀྱིས་ནི་དུས་གསུམ་སྤྱི་དང་བྱེ་བྲག་ལྐོག་གྱུར་གྱི་ཆོས་ལ་ཐག་ཐོགས་མེད་པར་གཟིགས་པའི་རྣམ་ཐར་ཤིན་ཏུ་ངོ་མཚར་བ། དཔལ་སྤྲུལ་རྡོ་རྗེ་འཆང་སོགས་ཀྱིས་ཁོང་གི་གསུང་ནི་ཚད་མའི་ལུང་འདྲེན་དུ་མཛད་འདུག་པ་སོགས་ཀྱིས། ངོར་མཁན་ཆེན་ཁོང་ནི་བླ་མའི་བླ་མ་དང་གོང་མའི་གོང་མ། གསང་བ་ལྐོག་གྱུར་གྱི་ཆོས་རྣམས་རྗེན་པར་གཟིགས་པ་ཉིད་དུ་གྲུབ་འདུག ཆོས་རྒྱལ་དེ་རྣམས་ལ་དེ་ལྟར་བདམས་གསེས་བྱེད་པ་ལ་མཁྱེན་བརྩེ་ནུས་པའི་སྒོ་ནས་ཐུན་མོང་མ་ཡིན་པའི་ཡོན་ཏན་ཅི་ཞིག་ཡོད་ཅེ་ན། རི་བོ་དེ་དག་རིགས་གསུམ་མགོན་པོ་མི་རྗེའི་ཚུལ་བཟུང་བ་ཡིན་པར་མཚན་ལྡན་གྱི་བླ་མ་དམ་པ་དུ་མས་གསུངས་ཤིང་དོན་ལའང་དེ་ལྟར་གྲགས། སྒ་ཡུལ་གྱི་ཡུལ་ལྷ་ཆེན་པོ་ཇོ་བོ་སྒྱོགས་ཆེན་གདོང་རར་ཞུ་བ་འདི་པ་ནི་ས་བཅུ་པ་ཆོས་ཀྱི་སྤྲིན་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་འབྲོག་གནས་ཀྱི་ཚུལ་དུ་བཞུགས་པ་ཡིན་ཏེ། ཚུལ་དེའང་རྒྱལ་བ་རྡོ་རྗེ་འཆང་ཆེན་པོ་ཀུན་དགའ་བཟང་པོའི་ཆོས་ཀྱི་ཁྲི་ལ་མངོན་པར་རྟོགས་པའི་ཡོན་ཏན་གྱིས་ཞབས་སེན་བཀོད་པ། ངོར་མཁན་ཆེན་རྡོ་རྗེ་འཆང་ཆེན་པོ་ཀུན་དགའ་བཟང་པོ་ནས་བརྒྱུད་པའི་ཁྲི་རབས་སོ་བཞི་པ། དཔལ་ལྡན་བི་ཝ་པ་ཆེན་པོའི་རྣམ་རོལ་ངོར་མཁན་ཆེན་ཐམས་ཅད་མཁྱེན་པ་དཔལ་ལྡན་ཆོས་སྐྱོང་ཞལ་སྔ་ནས་མཛད་པའི་ཇོ་བོའི་བསང་མཆོད་ལས་འདི་ལྟར་བྱུང་སྟེ། ཀྱཻ། སངས་རྒྱས་རྣམ་གཟིགས་མདུན་ནས་སེམས་བསྐྱེད་ཅིང་། །ས་བཅུའི་དབང་ཕྱུག་འབྲོག་གནས་ཚུལ་བཟུང་བ།…

ང་ཡི་ཕ་ཡུལ་ཁམས་སྟོད་ནང་ཆེན།

ཟག་བྲལ་བདེ་ཆེན་མཆོག་གི་མཁའ་དབྱིངས་སུ། །གསང་གསུམ་སྒྱུ་འཕྲུལ་རྒྱན་གྱི་བཀོད་པ་ནི། ། འཆི་མེད་ཡིད་བཞིན་འཁོར་ལོའི་འཇོ་སྒེག་ཅན། །འཕགས་མཆོག་མྱུར་མ་དཔལ་མོས་ཤེས་པ་སྩོལ། ། ཆོས་རབ་རྣམ་འབྱེད་མཁྱེན་པའི་མེ་ལོངས་ངོགས། །སྡེ་སྣོད་རྒྱ་མཚོའི་གཟུགས་བརྙན་འཆང་བཟོད་པའི། ། གྲུབ་རིགས་ཁྱུ་མཆོག་ཚེ་རབས་གཏན་གྱི་སྐྱབས། །གང་ཞབས་པདྨོ་བཞད་པའི་ཉེ་དྲུང་དེར། ། སྔོན་ནས་མ་བཏང་ལས་ཀྱི་བྱེད་པོ་ཡིས། །མཛའ་བ་མི་ཕྱེད་དམ་ཚིག་རྡོ་རྗེའི་རྒྱས། ། གཅིག་ཏུ་བཅིངས་པའི་ངང་ཚུལ་རྗེས་དྲན་ནས། །ཞུ་མཆེད་ཨུཏྤལ་ཕྲེང་བ་ཅི་ཡང་འཐོར། ། རླབས་ཆེན་ཚོགས་གཉིས་རྒྱ་མཚོས་ཉེར་བསྐྲུན་པའི། །གསང་གསུམ་མི་ཟད་རྒྱན་འཁོར་རྣམ་ལྔའི་བདག། ། རབ་དཀར་ཆུ་ཤེལ་དབང་པོའི་དཀྱིལ་འཁོར་མཆོག །ཉེར་འཚེའི་སྒྲིབ་བྲལ་སྤངས་རྟོགས་ཆ་ཤས་རྫོགས། ། ལེགས་མཛད་འོད་དཀར་རྣམ་པར་སྤྲོ་བཞིན་དུ། །འཕགས་ཡུལ་བརྒྱུད་པའི་ཆུ་གཏེར་སྤེལ་ཟིན་ནས། ། གངས་ལྗོངས་དཔལ་ལྡན་ཀུན་དཱའི་སྐྱེད་ཚལ་དུ། །མངོན་པར་འཆར་བའི་རྣམ་ཐར་ཐོས་དང་ལྷན། ། གསུང་གསང་དྲི་ཟའི་བུ་མོའི་ཏམ་བུ་ར། །དོན་བཟང་སྙན་འཇེབས་སྟོང་གི་དབྱར་སྐྱེས་སྒྲ། ། བདག་ཡིད་མདོངས་ཐ་རྣ་བའི་བུ་ག་རུ། །སོན་པ་ཙམ་གྱིས་དགའ་བའི་མངལ་གྱིས་ལྕེ། ། གཅམ་བུ་མ་ཡིས་སྙིང་ནས་དྲན་པའི་གཏམ། །ཟོལ་སྟོད་མ་ཡིན་རེ་སྨོན་རྒྱ་མཚོའི་གནས། ། ལས་འཕྲོ་མ་ཡིན་ཐུགས་བསྐྱེད་གོ་ཆ་བཙན།…