༄༅།།ཁྲ་འགུ་བཀྲ་ཤིས་བཤད་སྒྲུབ་ཆོས་འཁོར་གླིང་། གནའ་སྔ་མོའི་ལོ་རྒྱུས་ཀྱི་དབང་དུ་བྱས་ན་ནང་ཆེན་ཉེར་ལྔའི་མངའ་ཁོངས་ཡིན་ལ། དེང་སང་བཤད་ཚུལ་བྱས་ན་མཚོ་སྔོན་ཞིང་ཆེན་ཡུལ་ཤུལ་རྫོང་སྐྱེ་རྒུ་གྲོང་རྡལ་ཁོངས་གཏོགས་རྫོང་ནས་ལྷོ་ངོས་སུ་ཇ་ཡུན་ཙམ་བགྲོད་པའི་སར་མཆིས། ཐོག་མར་གནས་འདི་ཉིད་དུ་བོད་མི་གདོང་དྲུག་གི་ཡ་གྱལ་འབྲུ་སྟག་རྒོད་རིགས་ལས་མཆེད་པའི་སྐྱུ་རའི་གདུང་རྒྱུད་བར་མེད་དུ་བཞུགས་ཤིང་། ཕྱིས་སུ་སྐྱུ་རའི་རྒྱལ་བ་ཡེ་ཤེས་ཞེས་པར་མཁས་དང་གྲུབ་པའི་ཕ་རོལ་དུ་སོན་པ་ཉིད་དུས་རབས་བཅུ་པའི་ཡས་མས་ལ་སྐྱུ་རའི་ཆོས་སྲིད་ཀྱི་མངའ་བདག་ཏུ་བཞུགས་སྐབས་སྐྱུ་རའི་རྟེན་གཙོ་རྣམ་གསུམ་དུ་གྲགས་པར།རྒྱ་བཟའ་ཀོང་ཇོས་འཕྲུལ་བཞེངས་སུ་གྲགས་པའི་འབིས་གྱི་རྣམ་པར་སྣང་མཛད། སྐྱུ་རའི་རང་གི་སྟོབས་འབྱོར་གྱིས་བཞེངས་པའི་སྐྱུ་རའི་མཆོད་རྟེན་དམར་ཆུང་། སྐྱུ་རའི་སྟོབས་པོ་ཆེ་གནམ་སྦྱིན་དཀར་པོའི་རྟེན་སྐལ་ལྷ་རྣམས་ཀྱིས་གནང་བར་གྲགས་པའི་སྐྱུ་རའི་མཆོད་རྟེན་དཀར་ཆུང་ཞེས་ངོ་མཚར་བ་རྡོ་ལ་རང་བྱོན་ཅན་གཅིག་བཅས་བཞུགས། དེ་ནས་བོད་སིལ་བུར་ཐོར་བའི་དུས་སྐབས་ཁེལ་བའམ་ས་འབྲི་སོགས་འཁྲུག་རྩོད་བར་མ་ཆད་པའི་རྐྱེན་ཡིན་ནམ། གང་ལྟར་སྐྱུ་རའི་རྒྱུད་པ་སྟོབས་ཞན་རྩ་ཐོར་སོང་པའི་རྐྱེན་གྱིས་སྐྱུ་རའི་མཆོད་རྟེན་དམར་ཆུང་ཞིག་རལ་དུ་སོང་བས་ས་འབུར་ལྟ་བུར་གྱུར། འབིས་ཀྱི་རྣམ་པར་སྣང་མཛད་ཉེར་སྲས་བརྒྱད་དང་བཅས་པ་ས་འོག་ཏུ་ཤོར་ནས་རྣམ་སྣང་ཞལ་ངོ་ཙམ་མ་གཏོགས་མཇལ་རྒྱུ་མེད་པའི་སྐབས་དེར་སྐྱུ་རའི་གདུང་རྒྱུད་ཨ་ནུ་རྒྱལ་གྱིས་གདན་ས་འབྲི་གུང་ཕྱོགས་སུ་སྤོར་བར་མཛད། དེ་ནས་གདན་ས་འདི་ཉིད་བར་སྐབས་སུ་སྟོང་པར་གྱུར་ཏོ། ། ཕྱིས་དུས་རབས་བཅུ་བཞིའི་སྨད་ལ་ཆོས་རྗེ་ཀརྨ་པ་བདུན་པ་ཆོས་གྲགས་རྒྱ་མཚོ་འདིར་ཕེབས་ནས་སླར་ཉམས་གསོ་མཛད་དེ་སྐྱུ་རའི་རྒྱལ་བ་ཡེ་ཤེས་ཀྱི་རྣམ་འཕྲུལ་ཁྲ་འགུ་བླ་མ་ཤེས་རབ་བསྟན་པའི་རྒྱལ་མཚན་དགོན་འདི་ཡི་དགོན་བདག་ཏུ་བསྐོས་ཤིང་ཙུང་ངུ་ཞེས་སྐྱུ་རའི་གདུང་འཛིན་བཞུགས་པའི་གནས། དུང་དཀར་པོ་གཡས་སུ་འཁྱིལ་འདྲའི་སྟེང་དུ་དགོན་འདི་ཉིད་གཞི་ཆགས་པར་དགོངས་ཏེ་ཐོག་མར་འདུ་ཁང་བཞེངས་མགོ་ཚུགས་པའི་སྐབས་སུ་རྨང་གཏིང་ལ་བྲག་རི་ཁྲ་ཅན་ཞིག་ཡོད་པས་དེའི་མིང་དགོན་པར་ཆགས་ནས་ཁྲ་འགུ་དགོན་ཞེས་གྲགས། དེར་བཞེངས་པའི་འདུ་ཁང་ཀ་བ་བཞི་ཅན་ཞིག་དང་དགེ་འདུན་བཅུ་ཕྲག་ལྷག་ཙམ་འདུས། ཡང་མི་རིང་བར་གཙུག་ལག་ཁང་ཀ་བ་བཅུ་དྲུག་ཅན་ཞིག་བཞེངས། ཕྱིས་ཁྲ་ལེགས་སྐྱབས་མགོན་སྐུ་ཕྲེང་བཞི་པའི་སྐབས་སུ་དགོན་འདི་ཡར་རྒྱས་ཅུང་སོང་ཚེ་དེར་ལྷ་ཁང་ཀ་བ་༤༢ཅན་ཞིག་བཞེངས། དེའི་དུས་རྒྱ་ནག་རྒྱལ་པོས་གནང་བར་གྲགས་པའི་ཞལ་ཐང་ཞིག་ཡོད། རྟེན་སྐྱུ་རའི་རྟེན་གཙོ་རྣམ་གསུམ། རྫོགས་པའི་སངས་རྒྱས་ཀྱི་རིང་བསྲེལ་བཞུགས་པའི་དུས་གསུམ་སངས་རྒྱས་ལ་འཁོར་གནས་བརྟན་བཅུ་དྲུག་དང་ཕྱག་ཆེན་བརྒྱུད་པའི་ལྷ་ཚོགས་དང་བཀའ་བསྟན་བཅས་བཞུགས། ཙུང་ངུ་གྲོང་དང་དགོན་སྡེ་བཅས་ནས་རྣམ་སྣང་གངས་ཅན་མཚོ་རྒྱལ་ཞལ་ངོ་མཇལ་བ་དེར་ཆར་ཁེབས་ཤིག་བཞེངས། རབ་བྱུང་བཅུ་བཞི་པའི་སྨད་ཙམ་ལ་ཁྲ་འགུ་བན་རྒན་ཀརྨ་ས་བཅུ་ཞེས་པ་དེ་ཉིད་ཀྱིས་རྣམ་སྣང་གངས་ཅན་མཚོ་རྒྱལ་ཉེ་སྲས་བརྒྱད་དང་བཅས་པ་སྔར་ས་འོག་ཏུ་ཤོར་བ་ས་རྡོ་རྣམས་བསལ་ཏེ་དགོན་སྡེ་ཡོངས་ནས་སྐབས་འདིར་ལྷ་ཁང་ཞིག་བཞེངས་མོད། འོན་ཀྱང་ཆུ་སྐྱོན་ཆེ་བའི་སྟབས་ཀྱིས་ལོ་རེ་གཉིས་མཚམས་ནས་ཉམས་གསོ་བྱེད་དགོས་ཡོད།    ཁྲ་འགུ་དགོན་པ་འདིར་བླ་ཁག་བཞི་སྟེ། ཁྲ་ལེགས་སྐྱབས་མགོན་སྐུ་ཕྲེང་དང་པོ་ཉི་མ་བཀྲ་ཤིས། གཉིས་པ་ཉི་མ་འགྱུར་མེད། གསུམ་པ་ཉི་མ་གསལ་བྱེད། བཞི་པ་ཆོས་རྒྱལ་ཉི་མ། ལྔ་པ་ཕྲིན་ལས་ཉི་མ། དྲུག་པ་ཡེ་ཤེས་ཉི་མ་ནི་ར་རྡ་དཔོན་གྱི་སྤུན་མཆེད་ཡིན་པས་ར་རྡ་དཔོན་ཚང་ལ་འཁྲུངས་པ་འདྲ། བདུན་པ་ཀུན་ཁྱབ་ཉི་མ་ནི་རྩལ་སྨད་བེ་ཁྲ་ཆེ་ཚང་ལ་འཁྲུངས།    དུས་ཕྱིས་རབ་བྱུང་བཅུ་དྲུག་པའི་ལྕགས་ལུགས་(༡༩༣༡)ལོར་ཁྲ་ལེགས་སྐྱབས་མགོན་སྐུ་ཕྲེང་བརྒྱད་པ་ཀརྨ་བཤད་སྒྲུབ་ཆོས་ཀྱི་ཉི་མ་སྡེ་དགེ་དྲན་ཁོའི་ཕྱོགས་སུ་སྐུ་བལྟམས། ཁོང་གིས་ཕྱིའི་ལྷ་ཁང་དང་ནང་གི་སྣང་མཛད་ཉེར་སྲས་བརྒྱད་དང་བཅས་པར་ཉམས་གསོ་མཛད་དེ་སྐུ་ལུས་ཀྱི་འདག་ཞལ་རྙིང་པ་མཐའ་དག་གསར་དུ་བརྗེ་སྐབས་སྔོན་རྔོན་པས་སྟ་རེ་བསྣུན་ཏེ་སྣང་མཛད་ཀྱི་ཤངས་བཀོག་ཚར་བར་ས་འདག་གིས་ཤངས་ཀྱི་ཚུགས་བཟོས་པ་སོགས་ཉམས་གསོ་ལེགས་པར་མཛད། སྐུ་ཕྲེང་དགུ་པ་ཀརྨ་བསྟན་པ་རབ་རྒྱས་ཕྲིན་ལས་ཉི་མ་ནི། ཡབ་འཇིགས་མེད་ཕུན་ཚོགས་དང་ཡུམ་པད་དཀར་གྱི་སྲས་སུ་བལྟམས། ད་ལྟ་ཨོསིཐྲིརེལིཡ(Australia)ལ་བཞུགས་པ་འདིའོ།། ཁྲ་འགུ་སྤྲུལ་སྐུ་སྐུ་ཕྲེང་དང་པོ་ཁྲ་མགོ་བླ་མ་ཤེས་རབ་བསྟན་པའི་རྒྱལ་མཚན་ནི། ཀརྨ་པ་ཆོས་གྲགས་རྒྱ་མཚོ་གནས་འདིར་ཕེབས་ཏེ་འདི་པ་བསྟན་བདག་ཏུ་བསྐོས་ཤིང་མཛད་ཕྲིན་རྒྱ་ཆེའོ། ། སྐུ་ཕྲེང་གཉིས་པ་སོགས་ཀྱི་མཚན་དང་མཛད་ཕྲིན་རེ་ཞིག་མི་གསལ།…

༈ འདྲེན་པ་མཉམ་མེད་སྟོན་པ་བཅོམ་ལྡན་འདས། །སྲས་ཀྱི་ཐུ་བོ་བྱམས་དང་འཇམ་པའི་དབྱངས།། ཤིང་རྟའི་སྲོལ་འབྱེད་ཀླུ་སྒྲུབ་ཐོགས་མེད་ཞབས །འཕགས་ཡུལ་མཁས་གྲུབ་ཡོངས་ལ་སྙིང་ནས་འདུད།། བསྟན་པའི་མངའ་བདག་རྒྱལ་བ་ཡབ་སྲས་གསུམ། །བྱམས་ཆེན་ཆོས་རྗེ་བློ་གྲོས་རིན་སེང་དང་།། རིགས་པའི་དབང་ཕྱུག་ཆོས་ཀྱི་རྒྱལ་མཚན་ཞབས། །ལུགས་འདིའི་བརྒྱུད་པའི་བླ་མ་རྣམས་ལ་འདུད།། གངས་ཅན་ཤིང་རྟའི་སྲོལ་འབྱེད་ཙོང་ཁ་པ །གང་དེའི་དངོས་སློབ་འདན་མ་ཡོན་ཏན་དཔལ།། གང་དེས་ཕྱག་བཏབ་ལབ་ཀྱི་ཆོས་སྡེ་དགོན། །གང་གི་བླ་སློབ་དགེ་འདུན་ཡོངས་ལ་འདུད།། སྙིང་རྗེ་ལྷ་གཅིག་འཕགས་མཆོག་སྤྱན་རས་གཟིགས། །སྙིགས་མའི་དུས་འདིར་མི་ཡི་ཚུལ་བཟུང་བ།། སྙིགས་དུས་འགྲོ་བའི་སྐྱབས་གཅིག་དྲིན་ཅན་རྗེ། །སྙིང་ནས་གསོལ་བ་འདེབས་སོ་བྱིན་གྱིས་རློབས།།      དེ་ཡང་ཇི་སྐད་དུ། ཀུན་མཁྱེན་གཉིས་པ་དབྱིག་གི་གཉེན་པོའི་ཞལ་སྔ་ནས་བསྟན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། ། དེ་འཛིན་བྱེད་པ་སྨྲ་བྱེད་པ།། སྒྲུབ་པ་བྱེད་པ་ཁོ་ནའོ། །ཞེས་ཇི་སྐད་གསུངས་པ་ལྟར་སྲིད་ཞིའི་ལེགས་ཚོགས་ཐམས་ཅད་ཀྱི་འབྱུང་གནས་ཕན་པ་དང་བདེ་བའི་ཆོས་ཐམས་ཅད་ཀྱི་རྩ་བ་སངས་རྒྱས་ཀྱི་བསྟན་པ་རིན་པོ་ཆེ་དང་དེའི་ཡང་སྙིང་འཇམ་མགོན་རྒྱལ་བ་གཉིས་པའི་མདོ་སྔགས་ཟུང་འབྲེལ་གྱི་བསྟན་པ་རིན་པོ་ཆེ་སྒ་མདོ་ཁམས་ཕྱོགས་སུ་ཐོག་མ་བྱུང་བ་ནི། ཕུན་ཚོགས་སྡེ་བཞི་དཔལ་གྱིས་མངོན་པར་མཐོ་ཞིང་དགེ་བཅུའི་གཡང་དུ་འཁྱིལ་བའི་སྒ་ལབ་ལུང་དཔལ་གྱི་ལྷ་ཡི་ལུང་པ་འདིར། རྗེ་ཙོང་ཁ་པ་ཆེན་པོའི་དངོས་སློབ་བསྟན་པ་ཕྱོགས་མཐར་སྤེལ་བའི་དར་ཆེན་དྲུག་གི་ཡ་གྱལ་མཁན་ཆེན་ཡོན་ཏན་དཔལ་བས་ཕྱག་བཏབ་པའི་ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་འདི་ཉིད་ཡིན་ལ། དེ་ནས་རིམ་གྱིས་ཕྱོགས་འདིར་རྗེ་རིང་ལུགས་འཛིན་པའི་དགོན་སྡེ་དུ་མ་འཕེལ་རྒྱས་སུ་བྱུང་བ་རྣམས་སོ་སོའི་རྣམ་ཐར་ལོ་རྒྱུས་སོགས་ལས་ཤེས་པ་བྱའོ།། ལབ་ཀྱི་དགོན་ཆེན་ཆོས་སྡེ་དགོན་པའམ་ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་འདི་ཉིད་གང་དུ་ཕྱག་བཏབ་པའི་ཡུལ་གྱི་ས་གནས་ནི། འཕགས་མཆོག་ཐུགས་རྗེ་ཆེན་པོའི་གདུལ་ཞིང་གངས་རི་རྭ་བས་ཡོངས་སུ་བསྐོར་བའི་ཞིང་ཁམས། བསིལ་ལྡན་ས་ལའི་སྨན་གྱི་ལྗོངས་ཆེན་མོ་འདི་ཉིད་ལ་སྟོད་ལ་མངའ་རིས་བསྐོར་གསུམ། བར་ལ་དབུས་གཙང་རུ་བཞི། སྨད་ལ་མདོ་ཁམས་སྒང་དྲུག་ཞེས། མདོ་ཁམས་ཟལ་མོའི་སྒང་། ཚ་བ་རོང་གི་སྒང་། སྨར་ཁམས་ཆུ་བོའི་སྒང་། སྤོ་འབོར་རི་ཡི་སྒང་། དམར་རྫ་ཟབ་མོའི་སྒང་། མི་ཉག་རབ་ཀྱི་སྒང་ཞེས་གྲགས་པ།…

༈ ཤུལ་མ་རྫ་ཆུ་ཁ་བ་མིན་པའི་སྒྲུབ་བྱེད་ལྷག་མ། ཉེ་སྔོན་བདག་གིས་ཕྱོགས་ཞེན་དང་རུས་འཐེན་གང་དང་ཡང་མ་སྦྲེལ་བར་འདས་སོང་གི་ལོ་རྒྱུས་དང་ད་ལྟའི་གནས་བབ་ལ་གཞིག་སྟེ་རང་གི་བསམ་ཚུལ་དག་མ་དེ་དྲྭ་ལམ་དུ་བཞག་པ་ཡིན། དྲྭ་ལམ་ནི་མཐའ་གྲུ་ལས་རྒྱ་ཆེ་ལ་རླུང་བུ་ལས་བང་ཁ་སྐྱེན་སྟབས་བདག་གི་བསམ་ཚུལ་དེ་ཡང་ས་རྡུལ་ལྟར་ཕྱོགས་གང་སར་འཐོར་སོང་ཟིག དེ་ལ་དྲྭ་ལམ་ཁག་ཏུ་བདག་ལ་ཕྱོགས་པའི་དྲི་བ་གཉིས་ཡོད་པར་སྣང་སྟེ། བསྟན་འཛིན་ཐར་འདོད་སུ་ཡིན་པ་དང་། ཤུལ་མ་རྫ་ཆུ་ཁ་བ་མིན་པའི་སྒྲུབ་བྱེད་ལྷག་མ་བཅས་རེད། འདིར་ངས་ཟུར་མིང་ཞིག་བཀོལ་བ་དེ་ཤུལ་མ་རྫ་ཆུ་ཁ་བ་མིན་ཞེས་པའི་སྐད་ཆ་འདི་ལ་འཚང་ཞིག་དང་གསང་བ་ཞིག་ཡོད་ནས་མིན་ལ་རང་གི་ངོ་གདོང་བསྟན་མ་སྤོབས་པར་བྲེད་ནས་མདའ་མོ་འཇབ་འཕེན་བྱས་པ་ཞིག་ཀྱང་མིན། ཁྱེད་རྣམས་ཀྱིས་སུ་ལ་དོག་པ་ཟོས་ན་ང་ནི་མི་བུ་དེ་རང་ཡིན་སྲིད། སྐབས་འདིར་ང་རང་ཉིད་སུ་ཡིན་མིན་དེ་གལ་མི་ཆེ་བས་གནས་སྐབས་ལན་མེད། ཕྱི་མ་དེ་ལ་བསམ་པ་བྱ་བ་མང་དག་ཅིག་འདུག འདི་ལ་བོད་ཕྱི་ནང་གང་སར་བཞུགས་པའི་གཞོན་སྐྱེས་སྨྱུག་ཐོགས་པ་གང་འཚམ་ཞིག་གིས་སོ་སོ་ལ་འཆར་བའི་དགོངས་ཚུལ་དག་མ་རེ་བརྗོད་འདུག་པ་ཚོར་བས་ཧ་ཅང་དགའ་བོ་བྱུང་། ལོ་རྒྱུས་ནི་ལོ་རྒྱུས་རང་དང་། བྱུང་བ་ནི་བྱུང་ཟིན་པ་རང་ཡིན་པས་འདི་ལ་གཟུར་བོར་གནས་དགོས་པ་ནི་ཧ་ཅང་གནད་འགག་ཅན་ཞིག་ཏུ་སྣང་། བྱུང་ཟིན་པ་ཞིག་གི་ངོས་ནས་གླེང་ཡོང་དུས་ཕྱོགས་རུས་དང་སྡང་ཟུག་བྱེད་རིན་མེད་ལ་བྱས་པས་ཀྱང་མི་ཕན། འོན་ཀྱང་འགའ་ཤས་ནི་སྔར་བཤད་པ་ལྟར་རྡོག་ལམ་རྟོལ་བའི་འགྲོན་པོ་བཞིན་རྐང་མགོ་གར་གཏད་མེད་པར་འཁྱོར་འགྲོས་བྱེད་པར་མཐོང་བ་དང་། ཡང་ངས་སྔར་བཤད་པ་དེ་ལ་འགའ་ཤས་ཀྱིས་ཟུར་མང་པོ་ཞིག་ཀྱང་བཏགས་འདུག་པར་མངོན་པས་དེ་དག་ལམ་གོལ་བ་ལས་ལྡོག་པའི་ཆེད་དང་གསལ་བཤད་ཙམ་གྱི་དོད་དུ་ཡང་གཅིག་ཞུ་དགོས་བྱུང་། ངས་ནི་ཤུལ་མ་རྫ་ཆུ་ཁ་བ་མིན་པའི་རྒྱུ་མཚན་ཙམ་ལས་མཐའ་གཅིག་ཏུ་རྫ་ཆུ་ཁ་བ་སྡུག་པོ་ཡིན་ཞེས་མཐུན་སྒྲིལ་ལ་གནོད་པའི་ཚིག་སྦྱོར་རྐང་གཅིག་ཀྱང་བཤམས་མེད། དྲྭ་རྩོམ་དེར་(དོན་དངོས་དང་མཐུན་མིན་ཇི་ལྟར་ཡང་)ཞེས་པ་དང་(སྤྱི་ཚོགས་གང་ཡིན་ཡང་མི་ཡག་སྡུག་འདྲ་མིན་ཡོང་བ་ནི་ཆོས་ཉིད་ཅིག་ཡིན་ལ)ཞེས་བྲིས་ཡོད། ང་ཚོའི་སྤྱི་ཚོགས་ཁྲོད་དུ་དེ་འདྲའི་མཐོང་ཚུལ་ཞིག་ཡོད་པ་ནི་མངོན་གསལ་རེད། དཔེར་ན་རྫ་ཆུ་ཁ་བ་དག་གིས་རྒྱ་སྡེ་རོ་ནས་རྟ་ཟོག་རྐུ་འཕྲོག་བྱེད་པ་དང་། རྒྱ་སྡེ་དག་གིས་ནོམ་པ་རྗེས་གཅོད་བྱེད་པ་བཅས་ཀྱི་བྱུང་ཟིན་གྱི་ཟིན་ཐོ་དག་ནི་བྱུང་ཟིན་པ་རང་ཡིན་པས་ཇི་ལྟར་བསུབ་ཐུབ། ཤུལ་མ་ཚང་གིས་ཀྱང་འབུམ་རྙིང་ཚང་གི་རྟ་ཇག་པ་ཞིག་བསད་དེ་རྐུན་པོའི་རོ་འགུགས་སྒྲོལ་གཡབ་མོ་དང་བཅས་ཏེ་མཆོད་རྟེན་གྱི་འོག་ཏུ་གནན་པ་བྱས་ཚུལ་ནི་ཤུལ་གྲགས་འབུམ་གྲགས་ཀྱི་གནས་ཚུལ་ཞིག་ཡིན། རྒྱུ་མཚན་དང་གནས་ལུགས་རྗོད་སྐབས་དྲང་དགོས་ཤིང་། འདས་དོན་དང་ལོ་རྒྱུས་འཆད་སྐབས་ནི་ཐམས་ཅད་ནས་ཐམས་ཅད་དུ་གླེང་དགོས། འདི་ལ་རེ་དོགས་དང་དགའ་ཞེན་གྱིས་སྦ་གསང་བྱེད་ཅིང་དངོས་དོན་གཞན་དུ་བསྒྱུར་བ་ནི་ལོ་རྒྱུས་ལ་ནག་ཐིག་ཕབ་པ་ཞིག་ཅི་ལ་མིན། ཤུལ་མ་རྫ་ཆུ་ཁ་བ་མིན་ཞེས་པའི་སྐད་ཆ་འདི་ནི་དཔེར་བཞག་ན་ཤེལ་ངོས་གྲུ་བཞི་ལྟ་བུ་ཞིག་རེད། ཤེལ་ངོས་གྲུ་བཞི་ནི་མདུན་ནས་བལྟས་ཀྱང་གྲུ་བཞི་ཡིན་ལ་རྒྱབ་ནས་བལྟས་ཀྱང་གྲུ་བཞི་ཞིག་རེད། ཤུལ་མ་རྫ་ཆུ་ཁ་བ་མིན་པ་ནི་རྫ་ཆུ་ཁ་བའི་ངོས་ནས་བལྟས་ཀྱང་རྫ་ཆུ་ཁ་བ་མིན་ལ་ཤུལ་མའི་ངོས་ནས་བལྟས་ཀྱང་རྫ་ཆུ་ཁ་བ་མིན། ཁག་ཅིག་གིས་དེང་སྐབས་ཤུལ་མ་རྫ་ཆུ་ཁ་བ་དང་འབྲེལ་ཆེ་བས་རྫ་ཆུ་ཁ་བ་ཡིན་སྙམ་པ་དང་། ཡང་ཤུལ་མ་རྫ་ཆུ་ཁ་བ་མིན་ན་དེ་དག་དང་འབྲེལ་ཐག་ཆད་འགྲོ་སྙམ་པ་ནི། ཤུལ་མ་རྫ་ཆུ་ཁ་བ་ཡིན་པའི་སྒྲུབ་བྱེད་དུ་སོང་བ་ལྟ་ཅི། ལོ་རྒྱུས་དང་བྱུང་བའི་གནས་ཚུལ་མ་མཐོང་བར་རང་གི་སྙིང་ཆུང་དགའ་ཞེན་དང་རེ་དོགས་ཁོ་ནའི་དབང་དུ་ཕྱིན་ཏེ་རང་ལ་གནས་ལུགས་དེ་ཙམ་ལས་གཞན་མེད་དོ་ཞེས་སྒྲོག་པའང་ཞར་ལ་ཐོན་འདུག ཁྱེད་ཀྱི་ཞེ་འདོད་ལ་ཤུལ་མ་རྫ་ཆུ་ཁ་བ་མིན་ཞེས་བཤད་ན་རྫ་རྒྱུད་མཉམ་འབྲེལ་ཚོགས་པ་དང་། མདོ་སྟོད་འཇང་དགུན་ཆོས་ཐོག དེ་བཞིན་སེར་ཤུལ་དགོན་དུ་གྲྭ་རྒྱུན་གྱི་ཐོབ་ཐང་བཅས་པ་ཕྱིར་བསྡུ་བྱེད་དགོས་སྙམ་པ་དེ་རེད། འདིས་ནི་ཁྱེད་ཀྱི་སེམས་ཁམས་དེ་ཁབ་མིག་ལས་ཀྱང་དོག་པ་གསལ་བོར་བྱས་པ་མིན་ནམ། དེ་བཞིན་ཡང་ཤུལ་མ་རྫ་ཆུ་ཁ་བ་ཡིན་པའི་སྒྲུབ་བྱེད་ལ། ང་ཚོའི་དམངས་ཁྲོད་དུ། ངའི་ཕ་ཡུལ་རྫ་ཆུ་ཁ་བ་རེད།…

༈ ནང་ཆེན་ཉེར་ལྔའི་མི་རིགས་སྲིད་འཛིན་ས་བགོས་དུས་འགྱུར་དབང་གིས་དེང་སང་ཡོས་ཧྲུའུ་བོད་རིགས་རང་སྐྱོད་ཁུལ་ཞེས་པ་ཞིག་ཆགས་ཡོད། དེའི་དབང་དུ་བྱས་ནས་ཅུང་ཟད་བཤད་ན། ནང་ཆེན་ཉེར་ལྔའི་ས་ཆ་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི་ཚོ་ཉིས་འབུམ་དྲུག་ཁྲི་བདུན་སྟོང་ཡོད། དེང་སང་མཚོ་སྔོན་ཞིང་ཆེན་ཡོངས་ཀྱི་རྒྱལ་སའི་རྒྱ་ཁྱོན་ལས་བརྒྱ་ཆ་སོ་བདུན་དང་ཆ་ཤས་གཉིས་ཟིན། ས་ཁོངས་ཆ་སྙོམས་ཀྱི་མཚོ་ངོས་མཐོ་ཚད་ལ་སྨིས་བཞི་སྟོང་ཡན་དུ་སླེབས་ཡོད། ལོ་འཁོར་མོའི་གནམ་གཤིས་དྲོ་གྲང་ནི་ཀླད་ཀོར་0°c ཡིན། ནང་ཆེན་ཉེར་ལྔའི་མངའ་ཁོངས་སུ་དེང་སང་བཤད་ཚུལ་བྱས་ན། ཡུལ་ཤུལ་དང་། ཁྲི་འདུ། ནང་ཆེན། རྫ་སྟོད། འབྲི་སྟོད། ཆུ་དམར་ལེབ་བཅས་རྫོང་དྲུག་དང་། གྲོང་རྡལ་བཅུ་དང་། ཡུལ་ཚོ་སོ་ལྔ། སྡེ་ ༼འབྲོག །༽དམངས་ཨུ་ཡོན་ལྷན་ཁང་ཉིས་བརྒྱ་ང་བརྒྱད་ཡོད། རང་སྐྱོང་ཁུལ་གྱི་གྲོང་ཁྱེར་སྐྱེ་རྒུ་གྲོང་དུ་ཆགས། དེ་ནི་ཤར་གྱི་གཞུང་ཐིག་༩༧°༠༡དང་། བྱང་གི་འཕྲེད་ཐིག་༣༣°༠༡གཅིག་གི་བསྣོལ་ཐིག་ཐོག་ཏུ་ཡོད། དེ་ནི་དེང་སང་བཤད་ན་ནང་ཆེན་ཉེར་ལྔའི་སྤྱི་ཡོངས་ཀྱི་ཆབ་སྲིད་དང་། དཔལ་འབྱོར། རིག་གནས། འགྲིམ་འགྲུལ་གྱི་ལྟེ་གནས་ཡིན། སྤྱི་ལོ་༢༠༡༢ལོའི་ལོ་མཇུག་ཏུ་ནང་ཆེན་ཉེར་ལྔའི་སྤྱི་འབངས་སམ་ཡུས་ཧྲུ་ཁུལ་ཡོངས་ལ་སྤྱིའི་མི་གྲངས་སུམ་འབུམ་དགུ་ཁྲི་ཉིས་སྟོང་ཡོད། དེའི་ནང་དུ་བོད་རིགས་ཁྲི་ཚོ་སོ་བརྒྱད་ཡོད་པས། དེས་མི་གྲངས་ཡོངས་ཀྱི་བརྒྱ་ཆ་གོ་བདུན་ཟིན། ད་དུང་རྒྱ་དང་། ཁ་ཆེ། ཧོར། སོག་པོ། ཟ་ལ། མེའུ་རིགས། པུའུ་གཞིས། མན་ཇུ། ཀོ་རེ་ཡ་སོགས་མི་རིགས་གཞན་གྱིས་མི་གྲངས་ཡོངས་ཀྱི་བརྒྱ་ཆ་གཉིས་དང་གྲངས་ཅུ་གསུམ་ཟིན་ཡོད་འདུག  དེ་ནི་དེང་སང་རྒྱ་ནག་རྒྱལ་ཡོངས་གྲངས་ཉུང་མི་རིགས་རང་སྐྱོང་ས་ཁུལ་སུམ་ཅུ་ཁྲོད་ནས་གཙོ་གྱུར་མི་རིགས་ཀྱིས་ཟིན་ཚད་ཆེས་མཐོ་བའི་རང་སྐྱོང་ཁུལ་ཞིག་རེད་ཅེས་ངོས་འཛིན་བྱས་ཡོད་འདུག…

ཕ་ཡུལ་ནང་ཆེན། ཆོས་ཀྱི་གྲོགས་པོ།

སྤྱི་ལོ་ ༢༠༡༦ ལོའི་ཟླ་བ་ ༤ ཚེས་ ༡ ཉིན་རྒྱ་གར་ལྡི་ལིའི་བསམ་ཡས་གླིང་ལ་ནང་ཆེན་ཉེར་ལྔའི་རྒྱལ་ཡོངས་ལྷན་ཚོགས་ཀྱི་ཚོགས་ཆེན་ཐེངས་དང་པོ་འཚོགས་པའི་ཚོགས་འདུ་མཛད་སྒོའི་དབུ་འབྱེད་ཀྱི་ཐོག་ལ་ནང་ཆེན་ཆོས་རྒྱལ་ཆེན་པོའི་བློན་ཆེན་སྒ་གྲྭའུ་དཔོན་རིན་ཆེན་ཚེ་རིང་མཆོག་ནས་གསུངས་བཤད་གནང་བའི་ཚན་པ་ཁག

ནས་ཆང་སྔོན་མོ།   མ་གྲུབ་པའི་དམ་ཚིག དྲིན་ལན། སེམས་ཀྱི་སྨོན་ལམ། ཆུ་ལེན་བུ་མོ། བཀྲ་ཤིས་ཤོག

༄༅།།སྒ་སྐྱེ་དགུ་དགོན་པའི་ལོ་རྒྱུས་མདོར་བསྡུས། བོད་གངས་ཅན་ལྗོངས་ཀྱི་ས་དགེ་བཀའ་རྙིང་སོགས་གྲུབ་མཐའ་ཆེན་པོ་དུ་མའི་ཡ་གྱལ་དཔལ་ལྡན་ས་སྐྱ་པའི་འཁོན་དཀོན་མཆོག་རྒྱལ་པོ་དང་། དཔལ་བརྩེ་བ་ཆེན་པོ་ས་ཆེན་ཀུན་དགའ་སྙིང་པོ་གཙོས་ས་ཆེན་གོང་མ་རྣམ་ལྔ་སོགས་གདུང་རྒྱུད་འཛིན་པའི་བླ་ཆེན་རྣམ་པས་རིམ་བཞིན་བསྐྱངས་པའི་གཙང་ས་སྐྱ་དགོན་པ་དང་། ངོར་ཆེན་རྡོ་རྗེ་འཆང་ཀུན་དགའ་བཟང་པོ་ནས་ཀླུ་ལྡིང་མཁན་ཆེན་འཇམ་དབྱངས་བསྟན་པའི་ཉི་མ་བར་མཁན་རབས་དོན་བཞིས་རིམ་བཞིན་བསྐྱངས་པའི་གཙང་ངོར་དགོན་གྱི་ཡན་ལག་ཏུ་གྱུར་པའི་དཔལ་ས་སྐྱའི་ཆོས་སྡེ་ཆེན་པོ་མདོ་སྨད་སྒ་སྟོད་སྐྱེ་དགུ་དོན་གྲུབ་གླིང་ནི། རུས་ཆེན་བཞི་ཡི་ཡ་གྱལ་སྒ་ཞེས་གྲགས་པའི་དམུ་ཚ་སྒ་ཡི་ཁོངས་སུ་གཏོགས་པ་ཡིན། ད་ལྟ་རྒྱ་བོད་ཡོངས་སུ་གྲགས་པ་ལ་སྒ་སྐྱེ་རྒུ་མདོ་དང་། མི་ལ་སྒ་པ། ས་ལ་སྒ་ཁོག་ཞེས་གྲགས། དོན་ལ་སྒ་པའི་རུས་ཚོ་ཆེ་དྲུག་གི་ཁོངས་སུ་གཏོགས། ཆོས་སྡེ་ཆེན་མོ་འདིའི་ཆགས་གནས་ནི་ཡུས་ཧྲུའུ་བོད་རིགས་རང་སྐྱོང་ཁུལ་གྱི་ལྟེ་གནས། འབྲི་ཀླུང་སྔོན་མོ་གཡོན་ནས་དལ་གྱིས་འབབ་པའི་རྩལ་ཤིས་རྒྱ་གར་ལུང་བའམ་བྱ་ཤུལ་རྒྱ་གར་ལུང་བ་ཡིན། ཡུས་ཧྲུའུ་ས་ཁུལ་ལ་དགོན་སྡེ་མང་པོ་མཆིས་པའི་ནང་ནས་དགོན་འདི་ནི་ཆེས་སྔོན་དུས་ནས་ཡོད་པའི་གནའ་བོའི་ཆོས་སྡེ་ཆེན་པོ་ཡིན་པའི་རྟགས་མངོན་གསལ་ཅན་མང་པོ་ཡོད་ལ། ད་ལྟའི་སྒ་སྐྱེ་རྒུ་ཆོས་སྡེ་ཆེན་པོ་འདི་ལ་སྒ་རྒྱལ་བ་གཡུང་དྲུང་ཞེས་པ་དེས། བོན་གྱི་དགོན་པ་གཉིས་ཕྱག་བཏབ་སྟེ། གཡུང་དྲུང་བོན་པོའི་ཆོས་སྡེ་སྟག་རྩེ་དགོན་དང་གཡུང་དྲུང་གནམ་མཆོང་དགོན་ཞེས་གྲགས་ཆེན་བྱུང་སྐད། བོད་རྒྱལ་ཁྲི་སྲོང་ལྡེ་བཙན་གྱི་སྐུ་རིང་ལ་པ་གོར་བེ་རོ་ཙ་ན་ཁམས་ཕྱོགས་སུ་ཐེངས་གསུམ་ཆེད་ཕེབས་གནང་དུས་གྲའུ་བོན་སྡེ་ཆོས་ཞབས་ཚུད་ཅིང་རྙིང་མའི་ཆོས་སྡེ་ཆེན་པོ་ཞིག་གི་གྲུབ་མཐར་གྱུར་ཏེ། རྙིང་ཆོས་ཤིན་ཏུ་དར་བར་བྱུང་སྐད་དོ། ཕྱིས་སུ་འགྲོ་མགོན་ཆོས་རྒྱལ་འཕགས་པ་བློ་གྲོས་རྒྱལ་མཚན་སྤྱི་ལོ1265ལོར་ཁམས་ཕྱོགས་སུ་ཕེབས་གནང་སྐབས་དཔལ་ས་སྐྱ་པའི་གྲུབ་མཐའ་ཞིག་ཏུ་འགྱུར་བའི་རྟེན་འབྲེལ་དུ་སྐྱེ་དགུ་དགོན་པ་ལ་ཇོ་བོ་བཅུ་གཅིག་ཞལ་གྱི་ཞལ་ཐང་གནང་བ་ད་ལྟ་རྒྱ་ནག་སྤྲུལ་སྐུ་སྐུ་ཕྲེང་བདུན་པ་ཀུན་དགའ་རྒྱལ་མཚན་མཆོག་གི་བླ་བྲང་ན་མཇལ་རྒྱུ་ཡོད་པ་དེའོ། ། གཞུང་གི་པུ་ཊ་དང་། ཙནྡན་གྱི་སྒྲོལ་མ་བཅས་འཛམ་གླིང་ན་རིན་ཐང་བྲལ་བའི་རྩ་ཆེན་གྱི་ནང་རྟེན་གནང་། དེའི་སྐབས་གྲའུ་དཔོན་གྱི་མེས་པོའི་རལ་གྲི་སོགས་རིན་ཐང་བྲལ་བའི་དངོས་རྫས་འབོར་ཆེན་ཡོད་པར་མ་ཟད། དཔལ་ས་སྐྱའི་བླ་བྲང་ཆེན་པོ་ཞིག་འཛུགས་པར་མཛད་དོ། ། རིམ་བཞིན་བོད་ཀྱི་རྡོ་རྗེ་གདན་དུ་བཞུགས་པའི་དཔལ་ས་སྐྱའི་བླ་ཆེན་རྒྱ་གར་ཤེས་རབ་རྒྱལ་མཚན་ཁམས་ཕྱོགས་སྒ་སྟོད་སྐྱེ་དགོན་དུ། སྤྱི་ལོ1398ལོར་ཆེད་ཕེབས་གནང་སྐབས་དཔལ་ས་སྐྱའི་ལམ་འབྲས་གཙོས་སྐྱ་སེར་མང་པོ་ལ་དམ་པའི་ཆོས་ཀྱི་བདུད་རྩི་བསམ་གྱིས་མི་ཁྱབ་པ་གནང་བར་མ་ཟད་གྲའུ་དཔོན་མཆོད་འོག་སྡེ་ཁག་གཉིས་ཀྱིས་རྒྱབ་སྐྱོར་དང་རོགས་རམ་ཐུགས་ཁུར་འོག་ནས་སྔར་གྱི་ཆོས་སྡེའི་བཟོ་བཀོད་སྟེང་ལ་སྒ་སྐྱེ་དགུ་དོན་གྲུབ་གླིང་ཞེས་དཔལ་ས་སྐྱའི་གྲུབ་མཐའ་ལ་བསྒྱུར་བར་མ་ཟད། ད་དུང་ལོ་རྒྱུས་སྟེང་དུ་ས་སྐྱའི་ཆོས་སྡེ་ཆེན་མོ་ཞིག་ཏུ་གྲགས་སོ།། དགོན་འདིའི་བཟོ་བཀོད་བརྗིད་ཉམས་ཆེ་ཞིང་། གྲྭ་པ་གྲངས་མང་བཞུགས་པ། རིན་ཐང་བྲལ་བའི་རིག་དངོས་ཕུན་སུམ་ཚོགས་པ་དང་མཁས་གྲུབ་གཉིས་ལྡན་གྱི་སྐྱེས་ཆེན་མང་པོ་བྱུང་བས་མཚན་སྙན་དགུང་དང་མཉམ་པའོ། ། ངོར་མཁན་ཆེན་དཔལ་ལྡན་ཆོས་སྐྱོང་གིས་གཙུག་ལག་ཁང་འདི་ཐོག་མར་བཞེངས་ནས་རྟེན་འབྲེལ་ལ་བརྟག་སྐབས། འདུ་ཁང་བསམ་འགྲུབ་རྒྱ་མཚོ་བཞེངས་པའི་ས་ཆ་འདི་ན་རྒན་མོ་ཞིག་གིས་བ་ཞིག་འཇོ་བཞིན་སྐབས། བ་དཀར་མོ་འདི་ལ་འོ་མ་མང་ཉུང་ཇི་ལྟར་འཇོ་རྒྱུ་ཡོད་དྲིས་པས། བཞོ་ཟོ་བསམ་འགྲུབ་འཁྱིལ་བའི་ནང་དུ་འོ་མ་རྒྱ་མཚོ་ལྟར་གང་འདུག་ཟེར་བ་རྟེན་འབྲེལ་ཤིན་ཏུ་འགྲིག་སྟེ་གཙུག་ལག་ཁང་འདི་ལ་འདུ་ཁང་ཆེན་མོ་བསམ་འགྲུབ་རྒྱ་མཚོ་ཞེས་མཚན་གསོལ་བར་གྲགས།།
 དགོན་འདིའི་གཙོ་ཆེ་བའི་མཆོད་གནས། བདག་ཅག་གི་སྟོན་པ་མཉམ་མེད་ཤཱཀྱ་ཐུབ་པ་དང་། སློབ་དཔོན་ཆེན་པོ་པདྨ་འབྱུང་གནས། ལྷ་གུར་གྱི་མགོན་པོ། དཔལ་མགོན་ཞལ་བཞི་པ།…

གཞས་པ་བཀྲ་ཤིས་དོན་གྲུབ་དང་། བསོད་ནམས་ལྷུན་གྲུབ། ཁམས་སྟོད་ནང་ཆེན་ནས་ཡིན་པའི་བཀྲ་ཤིས་དོན་གྲུབ་དང་། བསོད་ནམས་ལྷུན་གྲུབ་གཉིས་ཀྱིས་མཚོ་སྔོན་ཞིང་ཆེན་ནང་དུ་<<ཨ་ནུ་རིང་ལུགས་>>ཞེས་པའི་སྤྱི་ཉེར་ཁང་གི་ལས་ཁུངས་ཤིག་གསར་འཛུགས་བྱས་ནས་གླུ་གཞས་དང་། གྱོན་གོས་འདྲ་མིན་འགྲེམས་སྤེལ་བྱེད་བཞིན་ཡོད་འདུག ཁོང་གཉིས་ལས་བཀྲ་ཤིས་དོན་གྲུབ་ནི་ཁམས་ནང་ཆེན་ཟུར་མང་ཉག་ལ་ནས་འཚར་ལོངས་བྱུང་ཡོད་འདུག བསོད་ནམས་ལྷུན་གྲུབ་ནི་ནང་ཆེན་འབྲོག་ཤོག་ཡོབ་གཞུང་ནས་འཚར་ལོངས་བྱུང་ཡོད་འདུག ཁོང་གཉིས་ཀྱི་གླུ་གཞས་ལ་<<རྩེད་མོ་ཡིན་ཡ། ཡུལ་ནས་ཡོང་དུས། ཨ་ནུ་རིང་ལུགས། འཕུར་ཡ། ཅི་བསམ་དོ་གྲུབ། >>ཞེས་པའི་གཞས་སྣ་འདྲ་མིན་འགྲེམས་སྤེལ་བྱས་ཡོད་པ་ནི་མཐོང་གསལ་ཡིན་ལ། ཁོང་གཉིས་ཀྱིས་གཞས་འཁྲབ་སྟངས་དང་། ངག་གི་སྒྱུ་རྩལ། གཞས་ཚིག་བཅས་ལ་གླུ་པ་གཞན་དང་མ་འདྲ་བའི་ཁྱད་ཆོས་འདོན་ཐུབ་ཀྱི་ཡོད་ལ། ལྷག་པར་དུ་འཕུར་ཞེས་པའི་གླུ་གཞས་འདི་ལ་མཚོན་ན་མདོ་དབུས་ཁམས་གསུམ་གྱི་བོད་རིགས་སྤུན་ཟླ་རྣམས་ཀྱི་དགའ་མོས་དང་ལད་མོ་ཧ་ཅང་བྱེད་པ་མ་ཟད། འཛམ་གླིང་ཤར་ནུབ་ཡོངས་ཀྱི་མི་རིགས་རྣམས་ཀྱིས་ལད་ཟློས་དང་དགའ་མོས་ཧ་ཅང་ཆེ་བ་ནི་དེང་སང་དྲྭ་རྒྱའི་རྒྱུད་ལམ་དང་གློག་ཕྲིན་ལམ་ནས་མཐོང་བཞིན་པ་འདི་རེད། རྒྱུ་མཚན་དེ་དག་ལས་དཔག་ན་དེ་སྔོན་བོད་ཀྱི་གླུ་བ་ཞིག་གིས་བཏང་བའི་གླུ་གཞས་ཤིག་ལ་མཚོན་ན་འདི་ལས་སྐད་གྲགས་ཆེ་བ་ཡོང་མ་མྱོང་བ་ལྟ་བུ་ཞིག་ཆགས་ཡོད། ཅི་བསམ་དོན་གྲུབ། འཕུར། ཡུལ་ནས་ཡོང་དུས། རྩེད་མོ་ཡིན་ཡ། ཅི་བསམ་དོན་གྲུབ།

ང་ཡི་ཕ་ཡུལ་རྨ་འབྲི་རྫ་གསུམ། འབྲོག་པ། ཨ་ཕ་ གངས་ཆབ་ཟེགས་མི་འགྱུར་ཁུགས། ཆུང་འདྲེང་མཛའ་མོ། དགའ་སྤྲོའི་ཕོ་ཉ། གངས་རི་དང་གཙང་བོ། གཏམ་གླུ་སྤེལ་མ།