ངོ་སྤྲོད། མང་བཟའ་པད་དཀར། ཕྱི་ལོ་༡༩༦༤ལོར་མདོ་ཁམས་སྐྱེ་རྒུའི་ཨ་ཁྲོ་རྒྱས་ར་གྲོང་དུ་སྐྱེས། ཁོ་མོའི་ཕ་ལགས་ཁྱད་དུ་འཕགས་པའི་སྲོལ་རྒྱུན་གྱི་བརྐོས་རིས་སྒྱུ་རྩལ་མཁན་དང་ཐང་ག་འབྲི་མཁན་ཞིག་ཡིན་ཞིང་།   བག་ཆགས་དེའི་ཁྲོད་ནས་འཚར་བའི་པད་དཀར་ལགས་ཀྱང་ཕའི་ལས་རིགས་ཀྱི་ལམ་དེར་ཕྱོགས། ཁོ་མོས་ཕྱི་ཡུལ་ནས་སློབ་སྦྱོང་བྱ་སྐབས་ནུབ་ཕྱོགས་ཀྱི་སྲོལ་རྒྱུན་སྣུམ་ཚོན་རི་མོ་དང་།  བོད་བརྒྱུད་ནང་བསྟན་གྱི་བརྐོས་རིས་ཐིག་རྩ།  ནུབ་ཕྱོགས་བརྐོས་རིས་ཀྱི་མངོན་མཚོན་ཐབས་རྩལ་སོགས་ཀྱི་གཏིང་རིམ་བསྙེགས་ཤིང་། མ་གཞི་ཁོ་མོ་ནི་རྒྱ་གར་དྲི་ཟའི་སྒྱུ་རྩལ་ལ་མོས་གུས་ཆེར་བྱེད་མཁན་ཞིག་ཡིན་པ་རེད། དེ་སྔོན་《ལོ་ཟླའི་ཀློང་དུ་བོར་བའི་རྨི་ལམ》ཞེས་པའི་རི་མོའི་དེབ་ཅིག་དཔར་སྐྲུན་བྱས་ཤིང་། ད་ལྟ་སྒ་སྐྱེ་རྒུའི་གེ་སར་ཐང་དུ་《གླིང་གི་དཔའ་བརྟུལ་སུམ་ཅུ》གསར་བཞེངས་ཀྱི་ལས་ལ་འབད་ཀྱིན་ཡོད། ངེད་རྫ་ཆུའི་རླབས་སྒྲ་དྲ་བས་༢༠༡༦ལོར་《རྨི་ལམ་གྱི་སྟེགས་བུར་སྙེག་པའི་མང་བཟའ་པད་དཀར》ཞེས་པའི་ངོ་སྤྲོད་རྒྱས་པ་ཞིག་ཆེད་འགོད་བྱས་ཤིང་དེའི་ཡར་སྔོན་དུ་《སྒྱུ་རྩལ་དང་མི་གཤིས 》ཞེས་པའི་ཁོ་མོའི་འགྱུར་རྩོམ་ཞིག་ཀྱང་འོས་སྦྱོར་བྱས།  དེ་ལྟར་བྱ་དོན་པད་དཀར་གྱི་རི་མོའི་འཇིག་རྟེན་ནས་མངོན་པའི་མཛེས་པ་དང་། བརྐོས་རིས་སྒྱུ་རྩལ་ལས་ཐོན་པའི་སྣང་བརྙན་དེ་ལ་ཁྱད་ཐོན་ཤེས་རབ་དང་། ཟབ་བརླིང་རང་རྟོན་གྱི་གདེང་ཞིག་འཛོམས་པས་ཡིན་ནོ།། ཁོ་མོའི་སྒྱུ་རྩལ་གྱི་ལྟ་བ། སྒྱུ་རྩལ་ནི་སྔ་དཔུང་སྟེ། དེ་ནི་འདུ་ཤེས་ཀྱི་སྔོན་དུ་སྐྱོད་པ་ཞིག་ཡིན་འོས་པ་ལས་མི་དཀྱུས་མ་རྣམས་ཀྱི་མཛེས་འཛིན་གྱི་བློ་དང་བསྟུན་མི་འོས། དེ་མིན་ན་སྒྱུ་རྩལ་སྔོན་དུ་སྐྱོད་ཐབས་མེད། སྒྱུ་རྩལ་གྱིས་མི་དཀྱུས་མ་རྣམས་ཀྱི་མཛེས་འཛིན་གྱི་བློ་ལ་སྣེ་འཁྲིད་བྱེད་དགོས་ཏེ། དེ་ནི་འདུ་ཤེས་འཛིན་སྟངས་ལས་འཕགས་པ་ཞིག་དང་བརྒལ་བ་ཞིག་ཡིན། ཡིན་ན་ཡང་ངའི་བརྩམས་ཆོས་ལས་མཐོང་བ་ནི་དེ་ལས་ལྡོག་པ་ཡིན། ཟུར་བཀོད། མང་བཟའ་པད་དཀར་ཀྱི་བརྩམས་ཆོས་འ

   ༄༅།།རྫ་ཆུའི་དཔྱད་བརྗོད།།        ་         བོད་མདོ་དབུས་མཐོ་སྒང་ནས་བཞུར་བའི་ཡོངས་སུ་གྲགས་པའི་ཆུ་བོ་ཆེན་པོ་རྨ་འབྲི་རྫ་གསུམ་དང་རྒྱལ་མོ་རྔུལ་ཆུ་བཅས་ཡོད་པའི་ནང་ནས།    ད་ལམ་རྫ་དཀར་ནག་ལྕིབས་གསུམ་གྱི་གཞུང་ནས་ཐོན་པའི་ཆུ་བོ་རྫ་ཆུ་གཡུ་འབྲུག་གྱེན་འགྲོས་ཀྱི་མགོ་ཁུངས་ཅུང་ཙམ་ཞིག་བརྗོད་ན།    ༈ རྫ་ཆུའི་མགོ་ཁུངས་ནི་དགེ་རྒྱལ་རྫ་དཀར་ནག་ལྕིབས་གསུམ་ཞེས་པའི་གཞུང་ཆེན་ལུང་པ་ཁ་ནུབ་ཏུ་བསྟན་པ་ལྟ་བུའི་གསུམ་ཡོད།    ལུང་པ་དེ་གསུམ་གྱི་མགོར་རྫ་ནག་རི་རྒན་མའམ་སྔོན་སློབ་དཔོན་ཆེན་པོས་དམ་བཞག་སྐབས་གསོལ་བའི་མཚན༼ཕྱྭ་རྒྱལ་མེ་ཏྲི༽མིང་གཞན་དུ་རྫ་སྟོད་རྒྱལ་ལམ་རྫ་ནག་རི་རྒན་མ་ཞེས་པའི་རི་བོ་དེར་ཡོད།    རྫ་ནག་རི་རྒན་གྱི་གཡས་ཕྱོགས་རྫ་ནག་ལུང་པའི་རི་རྒྱུད་ཀྱི་རྫ་ནག་ཧོར་པ་འབྲུག་དེའུ་ནས་བབས་པའི་རྫ་ནག་ཆུ་དང་།    གཡོན་རྫ་དཀར་ལུང་པའི་རི་རྒྱུད་ཆུ་མགོ་བཀྲ་ཤིས་འཁྱིལ་བ་ནས་ཐོན་པའི་རྫ་དཀར་ཆུ་བོ་དང་།    རྫ་ནག་རི་རྒན་གྱི་མདུན་ཕྱོགས་རྫ་ལྕིབས་ལུང་པའི་ནང་ནས་ཐོན་པའི་རྫ་ལྕིབས་ཆུ་བོ་དང་གསུམ།    རྫ་ནག་རི་རྒན་གྱི་ཤར་ཕྱོགས་སྤྱི་ལེ་སུམ་ཅུའི་ཡན་མན་གྱི་མཚམས་ནས་ཆུ་བོ་གསུམ་ལྷན་དུ་འདུས་པའི་སར་རྫ་སྙིང་དཀར་ནག་སུམ་མདོ་ཞེས་ཟེར།    ཡུལ་ལྷའི་བརྒྱག་བརྔན་ཆེན་མོའི་ནང་།  ༼རྫ་སྙིང་དཀར་ནག་སུམ་མདོ་བརྔན༽  ཞེས་པའི་ས་དེ་ཡིན།    རྫ་དཀར་ནག་ལྕིབས་གསུམ་འདུས་པའི་ཆུ་བོ་དེ་ཤར་དུ་བབས་ནས་དེང་དུས་རྫ་སྟོད་རྫོང་མཁར་ནས་བབས་པའི་རྫ་ཆུ་ཞེས་པའི་ཆུ་བོ་དེའོ།    དེ་ཡང་སྔོན་དུས་ནས་བརྗོད་སྲོལ་ལྟར་ན་ཆུ་བོ་དེ་ཉིད་སྟོད་ནས་འབབ་སྐབས་དགེ་རྒྱལ་རྫ་ཆུ་ཞེས་འབོད་པ་དང་།   བར་ནང་ཆེན་ས་ནས་ནང་ཆེན་རྫ་ཆུ་དང་།    སྨད་ཆབ་མདོའི་ས་ནས་རྫ་ཆུ་དང་ལྕི་ཆུ་གཉིས་ཟླ་སྒྲིལ་ནས་འབབ་པའི་དུས་ཆབ་མདོའི་ཟླ་ཆུ་ཟེར།    རིམ་བཞིན་བབས་མཐར་བྲག་གཡབ་ས་ནས་བྲག་གཡབ་གླ་ཆུའམ་ཁམས་པ་གླ་ཆུ་ཞེས་དང་།    ཕྱི་རྒྱལ་ཁབ་ཀྱི་ས་ནས་མེས་ཀོང་གཙང་པོ་ཞེས་འབོད་པའོ།།   …

 ༈ འདྲེན་པ་མཉམ་མེད་སྟོན་པ་བཅོམ་ལྡན་འདས། །སྲས་ཀྱི་ཐུ་བོ་བྱམས་དང་འཇམ་པའི་དབྱངས།། ཤིང་རྟའི་སྲོལ་འབྱེད་ཀླུ་སྒྲུབ་ཐོགས་མེད་ཞབས །འཕགས་ཡུལ་མཁས་གྲུབ་ཡོངས་ལ་སྙིང་ནས་འདུད།། བསྟན་པའི་མངའ་བདག་རྒྱལ་བ་ཡབ་སྲས་གསུམ། །བྱམས་ཆེན་ཆོས་རྗེ་བློ་གྲོས་རིན་སེང་དང་།། རིགས་པའི་དབང་ཕྱུག་ཆོས་ཀྱི་རྒྱལ་མཚན་ཞབས། །ལུགས་འདིའི་བརྒྱུད་པའི་བླ་མ་རྣམས་ལ་འདུད།། གངས་ཅན་ཤིང་རྟའི་སྲོལ་འབྱེད་ཙོང་ཁ་པ །གང་དེའི་དངོས་སློབ་འདན་མ་ཡོན་ཏན་དཔལ།། གང་དེས་ཕྱག་བཏབ་ལབ་ཀྱི་ཆོས་སྡེ་དགོན། །གང་གི་བླ་སློབ་དགེ་འདུན་ཡོངས་ལ་འདུད།། སྙིང་རྗེ་ལྷ་གཅིག་འཕགས་མཆོག་སྤྱན་རས་གཟིགས། །སྙིགས་མའི་དུས་འདིར་མི་ཡི་ཚུལ་བཟུང་བ།། སྙིགས་དུས་འགྲོ་བའི་སྐྱབས་གཅིག་དྲིན་ཅན་རྗེ། །སྙིང་ནས་གསོལ་བ་འདེབས་སོ་བྱིན་གྱིས་རློབས།།      དེ་ཡང་ཇི་སྐད་དུ། ཀུན་མཁྱེན་གཉིས་པ་དབྱིག་གི་གཉེན་པོའི་ཞལ་སྔ་ནས་བསྟན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། ། དེ་འཛིན་བྱེད་པ་སྨྲ་བྱེད་པ།། སྒྲུབ་པ་བྱེད་པ་ཁོ་ནའོ། །ཞེས་ཇི་སྐད་གསུངས་པ་ལྟར་སྲིད་ཞིའི་ལེགས་ཚོགས་ཐམས་ཅད་ཀྱི་འབྱུང་གནས་ཕན་པ་དང་བདེ་བའི་ཆོས་ཐམས་ཅད་ཀྱི་རྩ་བ་སངས་རྒྱས་ཀྱི་བསྟན་པ་རིན་པོ་ཆེ་དང་དེའི་ཡང་སྙིང་འཇམ་མགོན་རྒྱལ་བ་གཉིས་པའི་མདོ་སྔགས་ཟུང་འབྲེལ་གྱི་བསྟན་པ་རིན་པོ་ཆེ་སྒ་མདོ་ཁམས་ཕྱོགས་སུ་ཐོག་མ་བྱུང་བ་ནི། ཕུན་ཚོགས་སྡེ་བཞི་དཔལ་གྱིས་མངོན་པར་མཐོ་ཞིང་དགེ་བཅུའི་གཡང་དུ་འཁྱིལ་བའི་སྒ་ལབ་ལུང་དཔལ་གྱི་ལྷ་ཡི་ལུང་པ་འདིར། རྗེ་ཙོང་ཁ་པ་ཆེན་པོའི་དངོས་སློབ་བསྟན་པ་ཕྱོགས་མཐར་སྤེལ་བའི་དར་ཆེན་དྲུག་གི་ཡ་གྱལ་མཁན་ཆེན་ཡོན་ཏན་དཔལ་བས་ཕྱག་བཏབ་པའི་ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་འདི་ཉིད་ཡིན་ལ། དེ་ནས་རིམ་གྱིས་ཕྱོགས་འདིར་རྗེ་རིང་ལུགས་འཛིན་པའི་དགོན་སྡེ་དུ་མ་འཕེལ་རྒྱས་སུ་བྱུང་བ་རྣམས་སོ་སོའི་རྣམ་ཐར་ལོ་རྒྱུས་སོགས་ལས་ཤེས་པ་བྱའོ།། ལབ་ཀྱི་དགོན་ཆེན་ཆོས་སྡེ་དགོན་པའམ་ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་འདི་ཉིད་གང་དུ་ཕྱག་བཏབ་པའི་ཡུལ་གྱི་ས་གནས་ནི། འཕགས་མཆོག་ཐུགས་རྗེ་ཆེན་པོའི་གདུལ་ཞིང་གངས་རི་རྭ་བས་ཡོངས་སུ་བསྐོར་བའི་ཞིང་ཁམས། བསིལ་ལྡན་ས་ལའི་སྨན་གྱི་ལྗོངས་ཆེན་མོ་འདི་ཉིད་ལ་སྟོད་ལ་མངའ་རིས་བསྐོར་གསུམ། བར་ལ་དབུས་གཙང་རུ་བཞི། སྨད་ལ་མདོ་ཁམས་སྒང་དྲུག་ཞེས། མདོ་ཁམས་ཟལ་མོའི་སྒང་། ཚ་བ་རོང་གི་སྒང་། སྨར་ཁམས་ཆུ་བོའི་སྒང་། སྤོ་འབོར་རི་ཡི་སྒང་། དམར་རྫ་ཟབ་མོའི་སྒང་། མི་ཉག་རབ་ཀྱི་སྒང་ཞེས་གྲགས་པ།…