ཐོག་མར་རྒྱ་གར་ལྡི་ལིའི་ལ་བཟོ་ལས་གཞིས་ཆགས་ཤིག་ཡོད། དེ་གོང་ས་བཅུ་བཞི་པ་ཆེན་པོས་བཀའ་གསུངས་བཞིན་སྤྱི་ལོ་ ༡༩༦༧ ལོ་ནས་ཁམས་སྟོད་ས་སྐྱོང་ནང་ཆེན་ཆོས་རྒྱལ་ཆེན་པོའི་བཀའ་ཡི་བློན་ཆེན་གྲྭའུ་དཔོན་རིན་ཆེན་ཚེ་རིན་མཆོག་ནས་དབུ་ཁྲིད་པའི་ཐོག་ནས་དྷི་ར་རྡུན་ཀམ་རོ་ས་གནས་སུ་གཞིས་ཆགས་རྒྱུ་ཞིག་ཡིན། གཞིས་ཆགས་དེ་ཡི་མི་དམངས་མང་ཆེ་ཤོས་ནང་ཆེན་ཉེར་ལྔའི་ནང་ཚན་སྒ་པ་གྲྭའུ་དཔོན་གྱི་འབངས་སྡེ་ཡིན་པ་མ་ཟད་གཞིས་ཆགས་ཐོག་མར་རྩ་འཛུགས་བྱེད་མཁན་ཡང་གྲྭའུ་དཔོན་རིན་ཆེན་ཚེ་རིང་ཡིན་པའི་རྒྱུ་མཚན་གྱིས་གྲྭའུ་གཞིས་ཆགས་ཞེས་ཐོག་ཡོད། ད་ལྟ་སྤྱི་ལོ་ 2017 ལོའི་བར་ལོ་འཁོར་ལྔ་བཅུ་ཐམ་པའི་བར་གནས་དང་གནས་མུས་ཡིན།

སྤྱི་ལོ་ ༢༠༡༧ ་ཟླ་ ༣ ཚེས་ ༨ ཉིན་ནང་ཆེན་ཉེར་ལྔའི་དབུས་བདེ་དོན་ལྷན་ཚོགས་ཀྱི་ཚོགས་གཞོན་ཡེ་ཤེས་ཚེ་རིང་ལ་གྲྭའུ་དཔོན་རིན་ཆེན་ཚེ་རིང་ནས་གསུངས་པ་རྣམས་ཟིན་ཐོ་བཀོད་པ་པོ་ཚོགས་གཙོ་པདྨ་བཀྲ་ཤིས་ནས་སོ།།